[الجزيل]

بسم الله الرحمن الرحيم

هذه من قصائد الشاعر الكبير الغني عن التعريف

فهد بن خالد بن سوقان ، وهي تعبر عن نفسها

(( التكفير ))

ألا ياهل التكفير وينكم غادين
............................ حرفتوا كلام الانبياء عن مواضعها
حياياً تدهج فالمسايل ظهر وبطين
............................ ذعاذيف سمٍ عيت الارض تبلعها
وراكم عذاب الله وحسابكم بعدين
............................ بيوت الرذيله صيب الحق قاشعها
خذا الزمره الاولى بيقضي على الباقين
............................ يشيل النواصي والشرايين شالعها
وياحسرة اللي مات ومضيع الثنتين
............................. اليا فارق الدنيا وآخرتها مضيعها
أليا شاف من بعد الحقايق عمله الشين
............................. ونفسه تبا الرجعه ولا عاد هي معها
ويافرحة اللي مات وافي مع الوافين
............................. شهيد الوطن والدين والنفس بايعها
يبا شوفة الجنه وذاك المكان الزين
............................. بعالي نعيم خالق الكون وسعها
مع المصطفى المختار في وسط عليين
............................. خلودٍ بلا موتٍ بعالي مرابعها
وفيها مالا رأت من الحسن شوف العين
............................ ولا خطر ببالك ولا انت متوقعها
قطوفٍ تذلل دانياتٍ وحورٍ عين
............................ وانهار من الجنه تفجر منابعها
عبادٍ عليها الله راضي وهم راضين
............................ بشوفه جلالة وجه ربي ممتعها
ولاهوب مغضوبٍ عليهم ولا الظالين
............................ عليهم منازل جنة الله موزعها
يطوفون عليهم ولدان مخلدين
............................ واللولو والمرجان سبحان صانعها
ولحم طيرٍ مما تشته النفس وش تبغين
............................ واصناف الفواكهه والله واللي منوعها
هذا والله اللي يرفع الرأس والجبين
............................ منازل كرامٍ مابه احدٍ ينازعها
وعسى الله يجمعنا بجنته قولوا آمين
............................ وعسى هالوجيه الله من النار يمنعها

الشاعر / فهد خالد بن سوقان الصميلي السبيعي
نقلها لنا اخينا الشاعر الكبير / محمد بن عايض ابن كايد القريشي السبيعي