[ناصر فيصل زبار]

قصيده اهداء من الشاعر ناصر بن فيصل ال زبار الى علي بن مسمار


ياعلي بن مسمار تستاهل الطيب
وشعرا يشد بطيب مثلك وشرواك
حيث ان مثلك عارفا بالمواجيب
قرما كريم تفعل الجود يمناك
لك في مقر الطيب فعل وتجاريب
من طيب راسك يالسبيعي ومجناك
الضيف يلقى منك حلو التراحيب
والجار له قسم الوفافي مزاياك
كلك وفا ماجيت درب العذاريب
من صغر سنك والمراجل مطاياك
وكان المراجل تحضر احيان وتغيب
ولا انت طيبك حاضراًدوم وياك
محبوب من ربعك وايضا الاجانيب
كلن شهد في طيب كفك وبداك
واليوم أنا وجهتلك دون ترتيب
قصيدة تزهى مقامك وتزهاك
اهديتلك قافٍ على حق ومصيب
يحفظ بتاريخ المناعير ذكراك
والشعر يفعل بالرجال التعاجيب
وقصيدتي تقديرها عند شرواك