[خوي فاصل سيف]

يامل قلبٍ دايم الدوم مشغول=في هاجسه يقضي نهاره وليله
له مدةٍ كنه عن الناس معزول=لايشتقي بأحدٍ ولا أحدٍ يجيله
تدم به الاوهام جولٍ بعد جول= ولاشك غير الصبر ماله وسيله
كل العقد لها مداريج وحلول=إن جاءت بقوة باس ولا بحيله
وأنا بنفسي عقدةٍ هولها هول=كل الحلول لعقدها مستحيله
لي غايبٍ حتى النبأ عنه مجهول=عندي كثير الشيء كنه قليله
ياطول صبري زل حولٍ ورى حول=وأنا انتظر وحبال وقتي طويله
نوبٍ تصدق نفسي الظن وأقول=ماعاد عقب الصبر غير الجميله
واسرح بظني والفرج فيه مأمول=وأنحاز به عن عدل وقتي وميله
واسج به دنياي بالعرض والطول=وأغضي عنه والنفس تجني حصيله
وافز له من حالي النوم مذهول=ويطول ميقافي وعيني تخيله
وأيس ليا ما شفت للأمر مدلول=والروح وأترك ماقفي وأنثني له
كنه بيأتيني من الغيب مرسول=ابخصه في ماجرا وأشتكي له
طواريٍ تصول فالصدر وتجول=يتوق منها القلب لين اعتزيله
توقت دريكٍ طالعت عينه الزول=وآخر شرابه جغمةٍ في صميله

الشاعر / سحمي مناحي الملحي السبيعي