[ابو ماضي]

المشاركة الأصلية كتبت بواسطة خوي فاصل سيف

ياللي تطبع بالوفا وأنت غدار=ترى التطبع مايغلب الطبيعه
تحسب حساب إني رفيقٍ وعذار=ادمح لك الزله ونفسي وريعه
وأكتم وأغض الطرف عن كل ماصار=ولاني بعجلٍ بالجفى والقطيعه
لكن ترى للصبر حدٍ ومعيار=مادام نفس الآدمي تستطيعه
وأنا كثر صبري على كتم الاسرار=من شأن ماراضي ولالك هزيعه
حنا على ملة طويلين الاشبار =ومكارم الاخلاق فينا وديعه
اللي لهم مجدٍ تشيع إبه الاذكار=ونفوسهم مثل الحصون المنيعه
ومن لايصون المجد والعهد ويغار=على الشرف والخلق ماله شريعه
عيد النظر مادام للذنب غفار=ومادم بيبان الشفاعه وسيعه
وعساك لاخيرت في الامر تختار=خير الامور وموقعٍ في الطليعه
وتشوم عن رفقة قصيرين الاعمار=اللي خطاهم للمهالك سريعه

الشاعر / سحمي بن مناحي الملحي

تعديل شطر في القصيده

من شأن مرضالي ولالك هزيعه