ياللامع ،،، طراه يوم تقول المدح والذم ،،، انا ما امدح ربعي بشي ما سووه ولا لهم فيه (ناموس) وسالفتكم مع ال مسعود ما فيها اي (ناموس) للسبعان يا اللامع :) ،،، ورع ورما له ورع بالخطأ وذبحه،،، (والبيضا) مرفوعه لنا يال مسعود قحطان يوم عفانا عن ربعك ،،، والعرب من اول لا عفو فالرقاب راحت القبيله المعفي عنها وقت الحج والعمره ورفعوا الرايات البيض وكتبو اسم القبيله اللي عفت عنها على (رايات بيض) ودعو لها بالتوفيق :) مايذكرون فعلهم على انه ناموس!!! واللي اشوفه في منتداكم جعلكم تحييون انكم ذاكرين الفعل على انه (نــــــــــــــــــــــــامــــــــــــــــــــوس ) للسبعان!!!
ياللامع وانا اخوك لازم تفرق بين ضربة (المتنومس) وضربة (المعفي) الله يعافيك ...
يا ناصر بن علي بيض الله وجهك بياض الشاش يوم تشهد باللي لك واللي عليك وهذا يدل على طيب عودك يالقرم،،، وسبيع مقابيس حرب مافيهم كلام،،، حيث انهم حاولو غزو (قحطان) لكسر شوكتهم في مكان اسمه (غزيز) قريب من محافظة (ضرماء) وذلك مع بدايات ظهور الملك عبدالعزيز تقريبا عام 1318 وحطو قايدهم فالهيه احد امراء ال سعود وبالتحديد من (العرافا ال سعود) والقصه مذكوره في احد الكتب الشعبيه واكتفى الكاتب بذكر الغزوه على انها على فخذ من قحطان فقط ولم يحدد منهم من قحطان ،،،،، والسالفه معروفه انها كانت ضد (ال مسعود قحطان) والوقعه مشهوره عندنا يال مسعود وابطالها معروفين والقصه بالتفصيل ان سبيع غزو على ال مسعود قحطان تحت قيادة ابن سعود (العرافا) وردوهم ال مسعود وذبح من السبعان عرب واجد وانكسرت ايد اللي من (ال سعود العرافا جد الامير الشاعر السامر) بالمذورع،،،وصوبو ال مسعود اخوه بالجنبيه في بطنه،،، وتقدرون ياسبيع تنشدون العرافا ال سعود ويعلمونكم بالعلم،،، واللي كسر ايد (العرافا ال سعود) فارس من فرسان ال عبود اسمه (المطربي) من ال فهد بن هادي ال عبود،،، وترثته باقي موجودين الله يطول في عمارهم على العز والطاعه .
وشيبانكم يعرفون السالفه انشدوهم ويعلمونكم .