[المهاااااجر]

[

الاخوه العزاء
حبيت اشارك معكم بهذه المشاركتين آمل ان تنال على اعجابكم
وارجو المعذره ان كان هناك قصور


المشاركه الاولى

((( مظلووووووم انا يا ناس)))

وش جاك يا دنيا التدني عليه = ماشفت والله منك ألا عمــــى العين
اروح .. ارجع .. والأسيه أسيه= واعاود ارجع واحتمل أمرك الشين
ما فيك لو لحظه أعده هنيـــه = يا مجرعتني المراره بكفيــــــــن
والقصد واضح ما عليكم خفيـه = صارت قسيه واكثر الخلق قاسيــن
مظلوم انا ياناس بـد البريه = وحسبي على اللي شب بالجوف نارين
يارب هل يرضيك ما صار ليه = مظـــــلوم لكن مالقيت المعينين
يعني خطاي اني على حسن نيه = ولا خطاي انا على الصدق ماشين
النفس ما تخضع اعرفه قويه = وانا معه وادبل العزم عزمين

************************************************** ************************************************** *****************************



المشاركه الثانيه /
(((حياتي اصبحت كذبه)))

ابكتب ماجرالي من هموم الزمن باقلام = وابرسم قصتي شكلا يوضح كل ما فيها
وابا اشرح عالمي كله وصوغه بدقه واحكام = وابا اكشف ما خفى بصدري وابي منهو يفسرها
حياتي اصبحت كذبه حياتي اصبحت اوهام =خيالي يرسم لعقلي سعاده منحرم منها
انا احلى حياتي مــرّ وأحاليها علي ما دام = انا محروم بها الدنيا من الراحه ومعانيها
انا بوقتي اشوف اشياء غريبه كلها اجرام = اشيل لغيري همومه وهمي فوق أعاليها
انا صاحي ظلام الليل وحولي هالبشر نيام = أحاكـي وحدتي وحـدي تحكيني واحاكيها
انا دربي بدون أنوار وبعد وزيادةِ أوهام = طريق ِ متبتِ للشوك يطلع في مفاليها
اقدم قوتي لغيري لجل هالشخص ما ينضام = انا موجود لجل الغير عسى الله ما يشقيها

وتقبلوا تحيات اخوكم/

المهاااااااااااااجر