ياصاحبي تسال عن الجرح لا زال = جرح الهوى يا صاحبـي ما يطيـبـي
ياكود من كان السبب فيه يحتال = وانت السبب فالجرح وانت الطبيبي
وانا على رجواك طولـبــي الحال = مدري متـى ينقـاد فيـك النـصيـبـي
دونك مسافاتٍ عريضات وطــوال = الا ومـن بـيني وبـينـك رقـيـبـــي
واجيك واجتاز المخاطر والاهـوال = ويهون عنـدي كـل شـيٍ صـعيـبــي
وتاقف وتحداني على يابس الجال = عـن شربةٍ تروي وتـطفـي لهيبــي
دامـك مـودلـي وانا مـثل الامـثال = مال العطا بيني وبينك حسيبـــي
لاهب نسناسٍ على الغصن ثم مال = لابد نسناس الهوى ينتحيـبــــي
وانا اجتمعنا عـقب فرقا وغربال = ماغير حنا مابه احدٍ غريـبـــــي
ارفـق بـقلـبٍ لا تحمل ولا شـال = لاحدٍ سواتك حمل شوقٍ تعيـبـــي
وارفق بعينٍ حاربت كل الازوال = لو طالعت في كل شيٍ عجيـبــــــي
لك في نظرها ياريش العين تمثال = لو غاب زولك صورتك ما تغيـبـي
الشاعر / سحمي مناحي بن نمشان الملحي