هذة القصيدة رد من الشاعر مفرح بن محمد الملوح على الشاعر حمودمفرح الرويبي الموجهه للشيخ بنيان بن تركي الملوح السبيعي
جاني جوابٍ من زبون المخاسير =ورحبت ابه من يوم تم إستلامه
من اللي يعرف الوارده والمصاديـــر=حمود راع المعرفــه والشهامــه
أبو مفرح منهجــه دايـــمٍ غيـــــر=عنده على طيب الفعول أستقامه
لا من تهيض صخر القاف تصخيــــر=مايلحقه في ما يقولـــــه ملامــــه
حيثه يعد الصدق مــا قــال تزويــــــر=ولا يلحق الرجال بالصدق لامــــه
وصدق الإجابه من علامة هل الخيــر=ومن عزنا ياجب علينا احترامــــه
من اللابه اللي تشبع الذيب والطيـــــر=يومٍ لعجلات السبايا ابترامـــه
قولٍ صحيح وثابةٍ له تقاريــــــــر= يوم الجهل يثنون دون الجهامـــــه
يوم القبايل بين فــــزّاع ومغـــيـــــــــر=كم شيخ قومٍ لبسوه الردامـــــــه
كم مرقمٍ داسوه من دون تقصيــــر=وعدٍ خلا ما فوقه ألا حمامـــــــه
ما فوق جاله كود هدف النواعيــــــــر=كلٍ مخيفٍ منه يشرب اجمامه
شربوا اجمامه ستر بيض الغناديــــــر=في الخوف يومٍ للجموع اصتدامــــه
مراً مسانيداً ومراًمحاديــــــــــر = يوم الردي ماهوب يسوى ابهامــــــه
لاد الرويبي ناطحين المشاهيـــــــــر = كم فارسٍ عنهم نوا لنهزامـــــــــه
نعمٍ بهم في الوقت الأول والأخيـــــر=وصلاة ربي ختـــم قولــــــي تمامــــــه