الأ يا وجودي وجد عوداً على المعكاز=حدته الظروف ومع الأجانيب متلزي
أنا ويش اسوي في زماناً لنا ماجاز=زماناً يشيب صاحي الفكر ويقزي
نهوزه بهاماتاً قويه ولا ينهاز=لو إنا نهوز طويق من فعلنا أهتزي
بدأ الشيب فينا ما تحقق هدف وإنجاز=وأنا كل يوماً في رجا الحظ يعتزي
لعب بي زماني لعبة رياضة الجنباز=ولا ألوم قلبي من عنى الوقت لا فزي
تقلب ليالينا مثل شاشة التلفاز=وبعضها تجز عروق قلب الفتى جزي
أبا أشكي على شيخاً بكل المراجل فاز=سلايل سلاطيناً تكز العدأ كزي
وش الحل يا ريف المشاكيل ما يعتاز=من الرأس ما ندز المراسيل لك دزي
الشاعر / ناصر فراج الفاغوم السبيعي