[سفير الجهوم]

ياشــافي أكـــتب وقرب بيض الأوراقـــي= وأكتب لنا من خيار الهرج منظومــــه
سجــل بــيوتاً تنومــس كــــل مــــشتاقي= راع الولـع لاســــــــمعها طـيرت نومه
هاضت وفاضت وأنا فوق الجبل راقــــي= وحولت مثل العقاب اللـــي كسر حومه
مـن هاجـسٍ لاصـدفني ضـــــــيق أخناقي= مثـل البحر يخلف العوام عــــن عومه
ولايبعد الهم عن صــدري لــيا ضاقــــــي= ياكود شــمت هبوب البر ورجومــــــه
ولايجمع الهم لــي ويــشـــين أخلاقـــي= إلا عــلومٍ بعــضــها تجهــل البومــــــه
يافكرتي يــوم أعــاين وقــتنا البـــــــاقي= شــفنا الثــقه في كثيــرالنـاس معدومه
شفــــنا الفتن ثايره مـــــن بين الأرفاقي= وشــفنا الدواير من القشران مـزحومه
كلٍ يــجهــــز لــخوة أســـلاح فـتـاقـــــي= ويقـول أنـا من خيــــار الجيل وقرومه
مـايـدري أنــه رذيـل أوســلــكه أدقا قـي= نفسه عن الطيب وأهل الطيب محرومه
بيـنــه وبـــين الـــــردا عـهـداً ومـيــثاقي= كاسـيـة مـن قـلـتة لامــــــوقف أبهومه
دايــم لســانه يــلاطــخ فــــوق الأشداقي= وإلي لـقـا الـمـخـطيه صـلح لـــها تومه
في عرض الأجواد كــــنه موس حـلاقـي= يجيب علم البحر والبر مــــن يـــومـــه
يدرس أسـلوب الردا وأعـيونه أضـواقي= فـكرة محـجر ومخة فيه جــــــرثومــه
جـعـــله يجــي بيــينـي وبــينـه تـفراقــي= من خوفتـي لايجيــني رايحـة ثومـــــــه
أعـز نفســــــي عـن اللي يبغــي أفــراقـي= وأشـري فـراق الردي وأجنب أسـلومه
أخاف تـفـرح عـداي و تــزعل أصـداقــي= وتصـبح بـيوت الشرف والعــزمهـدومه
ولانيــب خاضـع يكـــود لـــوجــه خـلاقـي= بأمره يدير الـفـلك والـكون وأنجـــومه
يالله عســى أهــل النمايــــم مالهم بـــاقـي= يرسـل عليهم سخط وأمراض مسـمومه
وأســــتثني اللي لفعــــل الطيــب عـشاقـــي= لــه وزعتاً مع هل الناموس مقسـومـــه
وأعــرف كبار البخـوت أيد يـهم أطـلا قـي= مايستـوي طيــبين الدهـــــر وأرخومـــه
مثل الســــلع تختلف في وســط الأسـواقي= ومثل الذهـب والنحاس ويخـتلف سـومه
وصـــــلات ربــــــي عد د مالاح بــراقـــي= علـى رسولاً على الــسـنه هـــدى قــومه