هذه القصيدة لشاعر /مفرح بن محمد الملحي السبيعي وهي ردٍ على الشاعر حمودمفرح الرويبي السبيعي
جاني جوابٍ من زبون المخاسير=ورحبت ابه من يوم تم استلامه
من اللي يعرف الوارده والمصادير=حمود راع المعرفه والشهامه
أبو مفرح منهجــه دايـــم ٍغيـــــر=عنده على طيب الفعول أستقامه
لا من تهيض صخر القاف تصخير=مايلحقه في ما يقولـــــه ملامه
حيثه يعد الصدق ما قال تزوير=ولا يلحق الرجال بالصدق لامه
وصدق الإجابه من علامة هل الخير = ومن عزنا ياجب علينا احترامه
من اللابه اللي تشبع الذيب والطير=يوم ٍ لعجلات السبايا ابترامه
قولٍ صحيح وثابةٍ لـه تقارير= يوم الجهل يثنون دون الجهامـه
يوم القبايل بين فــــزاع ومغـير=كم شيخ قومٍ لبسوه الردامـه
كم مرقم ٍ داسوه من دون تقصيــــر=وعدٍخلاء ما فوقه إلا حمامـه
ما فوق جاله كود هدف النواعيـر=كلٍ مخيفٍ منه يشرب اجمامه
شربوا اجمامه ستر بيض الغناديـر=في الخوف يومٍ للجموع اصتدامه
مراً مسانيدٍ ومراً محاديـر=يوم الردي ماهوب يسوى ابهامه
لاد الرويبي ناطحين المشاهيــر=كم فارسٍ عنهم نوى لنهزامه
نعمٍ بهم في الوقت الأول والأخيـر=وصلاة ربي ختـم قولي تمامه