اطوع الصعبة علـى ساحـة القـاف=وابسط يمينـي فـي مداهـا طويلـه
واكتب حسين القاف وابعد عن الهاف=ماشاقنـي بيـت حروفـه هزيـلـه
واسبح بحور الشعر والفكر مجـداف=وارسي كمـا ترسـي جبـال ثقيلـه
واجمع محار العز واكـب الاصـداف=وانسج حروف المفـردات الجميلـه
حتى يجي شعري على روس الاشراف=ذيب قنـب بالليـل تسمـع عويلـه
في غاية يسعـى لهـا كـل عـراف=ولاشوقـت سـود القلـوب الذليلـه
لا ماكتبت الشعر ابا صـورة غـلاف=ولا ابيه تمدحنـي ضعـوف القبيلـه
ابيه نجـم لاأظلـم الليـل ينشـاف=يبقى علـى روس الخلايـق دليلـه
وابيه غيـث لانـزل راس مشـراف=يروي عطش كل الحـزوم المحيلـه
لاعلها وسـم مـن البـرق كشـاف=تصبح كمـا فـرش زهـوره عليلـه
وابيـه يرفانـي لاصـارت اكـلاف=مالي عضيـد الا البيـوت الجزيلـه
شلت الحمول الكايدة لو هي اضعـاف=لـي هامـة ماتهـتـوي للقليـلـه
لو قسمو حملي على كـل الاكتـاف=يبـرك جملهـم للحمـل مايشيـلـه
حمل الجبال اللي من الحمل تنعـاف=عافت وحنـا مـن جهلنـا نشيلـه