بسم الله الرحمن الرحيم
هذه قصيده تعبر عن نفسها
قالها الشاعر/ مفرح بن محمد بن مفرح الملحي
يقول وعمر القاري يطول /:
تهيّضت لي بابيات لي قلتها من جد ** كلامً ثمين يشوق اللي يحبونه
انا شف بالي مجلس فيه مخذ ورد ** سوالف رجال كل منهج يعرفونه
ولا فيه وجهن بينهم من قصار المد ** وجه الردي من بينهم مايشوفونه
وفي مجلس للي ضاري لا اقبلو ماصد ** ولايكرم الضيفان بالجبن والتونه
كريم وشجيع والوفا وارثه من جد ** تمكن يكسب المرجله ماقصر دونه
سبوق على العليا عن الطيب مايرد ** ولوذمته في واجب الضيف مرهونه
طراة الفتى مع طيبين الفعول يعد ** قبل حفرتا في الارض للحي مضمونه
والايام معدودات واجل الفتى له حد ** وناس تبيع الدين بالمال مغبونه
ومن كان هاذا مقصده ما خلف له كد ** وفقير الصدر مالم ماضال بعيونه
عسى مجلساً ما يكرم اللي يجيه يهد ** تنزل على الميده علاويه وركونه
تشيل الهبايب فوق تالي رموسه خد ** وتبني عليه النود ما عاد يبنونه
اليا صار مايكرم ضيوفه وهو ياجد ** والا الفقير اهل المعرفه يعذرونه
وياللي تصب البن بد النشاما بد ** وعده عن اللي من رداه يتعدونه