[فاهم النظرة]

هذه ابيات قلتها بمناسبة زواج نايف عويض المطيري يوم الخميس الموافق 28 - 7 - 1432هـ في قاعة شوق بجده..

جيتك ياابو نايف على شان اشارك = = = فـي حـفـلكـم كـلـه مـعـزه وتـقديــر
والله يـسعــدلي مـسـاك ونـهـارك = = = والله يمـسي كل من جوك بـالـخير
فـتـحـت للـضـيفـان قــلبـك ودارك = = = في حفلتن مثل ماقال المثل غـيـر
ويشهد لك بطيـبك خويـك وجـارك = = = وتقـدم الـجـزله لـجوك الـمسـايير
وتـبــذل يـمـينـك ماتـعـلـم يســارك = = = وانتـه بوقفاتك مـثل سـالم الـزير
وبأفـضل عبارات المبارك نـبـارك = = = لك انت ياعويض ولأبنك ولمطير
يـااللابه الـي يـوم وقـت المعـارك = = = طـريحـكم يشـبعبه الذيب والطيـر
وجيتك ياابو نايف على شان اشارك = = = فـي حـفـلكـم كـله مـعـزه وتـقدير

اخوكم:مفرح سيف الملحي السبيعي (فاهم النظره)