[نجل الشيوخ]

مرثيه كتبها ماجد بن ناصر بن ماجد العنقودي في فيصل بن سعد بن صنيتان ابو ثنين (رحمه الله)

يارب يـــامنزل من النو سكــاب
يامجرين بأمره هبوب الريـاحي
ياحي ياقيـوم معطي وتــواب
ياجاعلن عقب الليـالي صباحي
ترحـم عزيزن لاتردى ولا هــاب
سمح الحجاج اللي يزيد انشـراحي
جاب الخبر ياليت وياليت لو جاب
خبر وصــوله للربع في رماحي
لاشك امــرك ياعـليمٍ واواب
مانعترض لونا رفعنا الصــياحي
لاشك من هول الخبر حيل منصاب
بحزن الفراق الي تبين ولاحي
فيصل رفيقي قبل تنبت لنا اشناب
يارد ليا كثـر الرمي والصياحي
فيصل سمي السيف قطاع الارقاب
فيصل عضيد الي من الهم طاحي
ذاك الكريم اللي من الجود صبـاب
ليته يبدل بالرخوم الشحاحي
ولله يافيصل عقب هاللو تراب
دريت انه هالمراح المراحي
عله مع اللي للنبي ربع واصحاب
في جنة الفردوس دار الفلاحي
ولانيب شاعر فالمجلات كتاب
ولاشك مما بي ببين جراحي

اللهم ارحم فيصل واسكنه فسيح جناته .
للمزيد من مواضيعي