[ابن جدعان]

مـنـصـور بـــن جـدعــان رجــــل الـريـاجـيـل =عــون الـرفـيـق وعـــون مـــن هـــو عـنـالـه
رجـــل[ن] لـيــا جــــات الــلــوازم مـقـابـيـل=يصـبـرعـلـى مــيـــل الــدهـــر وانـعــدالــه
ورجـــل[ن] لـيــا صـعـبـت حـلــول الحـلاحـيـل =يـفـكـهـا فــــك الـعـقــد مـــــن حـبــالــه
وشـاعـر ولــه فـــي الـشـعـر مـيــزه وتبـجـيـل=الــكـــل يـشــهــد مـــــن سـمـعـه.وقـرالـه
الـطـيـب فــيــه وبــيــن[ن] لــــه مـفـاعـيـل=فــعــل الـيـمـيـن وزيــــن ذيــــك الـقـبـالـه
والـيــوم أبــبــدع لــــك جـمـيــل التـمـاثـيـل = ويـــا لـيــت بـيــت الـشـعـر يـمـسـك عـدالــه
حـيــث أن وصـفــك زايـــد الـطـيـب بـالـحـيـل= والـشـعـر فـــي وصـفــك قـلـيــل[ن] كـمـالــه
أنـتــه كـمــا نـجــم[ن] لـيــا ضـلــم الـلـيــل= قـــدره رفـيــع وعــالــي[ن] فــــي مـجـالــه
وهـــداج تـيـمــاء مــــا يــحــب المـعـايـيـل= يـــروي ضـمــاء العـطـشـان والـــي نـصـالــه
خـوتــك يــــا مـنـصــور خــــوة مـشـاكـيـل=مـاهــيــب خـــــوة فـاقــديــن الـجـمــالــه
والـــلاش عـــده مـــن صــفــوف المـهـابـيـل=الــــي مــــع الــرديــان حــقــه غــدالـــه
لا نــافــع[ن] ربــعـــه ولا فــيـــه تـعــديــل= خــلــه عــلــى مـافـيــه يـقـعــد لـحــالــه
والا انـــت قـــدرك فــــي عــلــو الاقــاذيــل=قـــدرك رفــيــع وفــيــك كــــل الـرجـالــه
فـيـك الـكــرم والـطـيـب يـــا ذابـــح الـحـيـل =فـعــلا[ن] لأبـــوك وجـــدك الــــي مـشـالــه
فـعـل[ن] لـكـم يـذكـر بـعـد جـيـل فـــي جـيــل=الــعــز فـيـكــم قــدركــم قــــد رقــالـــه
يـــاالله يـــا كـايــد بـكـيــده هــــل الـفـيــل=يـــوم الـبـرهــه مــحــد[ن] تـمـكــن قـتـالــه
يـامـرســل الـمــآمــون بـالــحــق جـبــريــل=عـــلـــى رسـول[ن]بـلـغ.ألـنــا الــرســالـــه
عفـوك.وتـوفـيـقـك. ورحـمــتــك.لا .ســـيـــل =العـضـو مـــن جـسـمـي عـــن الـــي جـرالــه
ويــا خـالــد اقـلــط .قـــدم .هـــاك المعـامـيـل =وازبـــــر حـطـب.عـرن[ن]دقـاقـه .جـــلالـــه
وإذا شـعـمــت الــنـــار بـالــبــن والـهــيــل = إحـكــر لــنــا فــجــال بــيــض[ن] دلالــــه
مـــن صـنــع أهـــل بـغـداد،لأهــل التـعـالـيـل=جمـيـلـهـم مـشــيــوف لأهـــــل الـجـمـالــه
وخـالـك مـعـي فـــي رحـلــة الـحــط والـشـيـل = [شـويـر].[تـفــرض راي].حــســـب الـزمــالــه
دام الـقـريـحـه هـاضـهــا صـــــادق الـقــيــل=قـلـيــل مــــا اقــولــه لــهــاك الـســلالــه
عـاضـي ركــن مـزحـم ومـزحــم هـــل الـخـيـل= وطــيـــب الـعـتـيـبـي مـكـديـنــه عـيــالــه
أيـــام ضـــرب الـسـيـف شــــرب الفـنـاجـيـل=عـاداتــهــم والــكـــل حــضـــه عــدالـــه
وأكـبــر دلايـــل فـعـلـهـم لا ونــســو مــيــل=(نــــجـــــد الـمـسـمـى)قـصـتـه،واحـتـلالـه
ومــن عـمـرْ لـيــن سـعــود مـاقــف وتكـمـيـل= لـلـضـيـف والـجــيــران حــالـــه ومــالـــه
وعـامــر ســـواة الـجــدي ومـحـمــد اسـهـيــل=الـهــم شــــداد وصــــار فـعـلــك غــزالــه
مــن مـــات مـــن هـــاك الـيـديـن الأخـاطـيـل=حـــوض الـنـبـي عــســاه يــشــرب زلالــــه
والـحــي يـسـلـم مـــن صــــدوف الأهــاويــل= بـأمــر الـولــي والـصـعـب يـسـهــل مـنـالــه
ومـــا قـــل ، دل .وزبـــدة الــهــرج تـقـلـيـل=عـسـاي[ثـلــث]الــي يــقــولـــه مــثــالـــه
هـــذا وصـلــى الله عــلــى مـفـنــي الـحـيــل=فـــي طــاعــة الـرحـمــن والــفــال فــالــه
لـلـخـيـر دل ،أقــلــوب واوضــــح دوالــيـــل =والـشــر عـكــس الـخـيــر وضــــح وقاله