|
إهداء للأخ/ سعد بن ناصر السبيعي(ابو ناصر)
كُتب : [ 12 - 09 - 2011 ]
هاض الضمير وزان جر المواويل=زود مشاعر خاطرً ماله قياس
وجبت الحطب للنار وجبت المعاميل=في مجلس يشفيك من كل الأوناس
وأخذت فنجال من البن والهيل=بريتن فنجالها يجلا الأعماس
وسقت المدايح والمدايح مداهيل=للشاعر اللي عزوته ترفع الرأس
سلام ياراع المجاهيم والخيل = اللي فعايلهم على قب الافراس
سلامن احلى من قراح الشهاليل = لصار في قربه وجابوه بالطاس
ينساق لك مخصوص يابن المشاكيل =باللول والمرجان مع قطعت اللماس
يستاهل الامداح عقب الحلاحيل=أمعرب الجدين وأمعرب الساس
من لابتن يشهد لها الجدي وسهيل =سبعان والسبعان للطيب نوماس
هذاك ابوناصر عسى ايامه أتخيل =مزبان من لاعة من الوقت هوجاس
في مجلسه تلقى زحول الرجاجيل =وتلقى سواليفن يها الطيب نبراس
الكيف بالدله وبيض الفناجيل =ونجرن صدى صوته مثل صوت الاجراس
متوارثين الطيب جيلن بعد جيل=يشهد لها القاصي قبل داني الناس
قلته وانا مالي وراها محاصيل =غير الغلا مدفوع من صدق الاحساس
أشفق على الغالين لوهم ورى النيل =اللي مراجلهم مالها حد وقياس
اشفق مثل بدو تخيل المخاييل =تباشروا بالخير من دون عساس
الارض رويت من غشون المهاليل =والخير عم الارض من كل الاجناس
هذا ربيع القلب والا التفاصيل =لو قلتها محصيتها فوق قرطاس
قلته وانا من لابتن توفي الكيل =حرب الحاريب يوم الارياق يباس
وصلاة ربي عد مايدرج السيل =على النبي الهاشمي سيد الناس
الشـــــاعر : مانع عوض سرور البدراني2011
|