[المحيط الرابع]

[

فلاح الحنان
في محل الرجال أهل الكرم والحميه ** المعاني الثمينه نفتح ابوابها
يابن عياد وين اغديت هاك الوصيـه ** كيف باقول وداها ولاجابها
ا بن عياد
في محل الرجال الي تحل القضيه ** من تعشاء بحيله ماتغدابها
المشاكل كثيره والحكومه قويه ** ماقدر اقولها لين احسب حسابها
فلاح الحنان
انت صرت بدوي مرضعتك بدويه ** كل يوم تهودنا بمشعابها
تحسبنا بعد في حزة الجاهليه ** العصايه علينا وشهي اسبابها

ابن عياد
خلها عنك سير في الهدا والحويه ** لاتجيها ترا منته من اصحابها
خيرها في يديك وشرها في يديه ** ونت ساس المشاكل وانته اسبابها

فلاح الحنان
طيع شوري جنب عن دروب لويه ** الحقوق المبينه تعب طلابها
انت وش جبت حيلة ناس محايليه ** العرب ليش قامت تلوي رقابها
ابن عياد
كل شي يهون الا خطاكم عليه ** هقوتي ماحدن قبلك تهقوابها
كان ماجاك منا ياسبيعي هديه ** اقصر الدول عنا وانت صبابها


فلاح الحنان
الخطا من زمان الهجن والبندقيه ** يوم خنجرك عيت تقضب انصابها
ليش تسلب حقوق اصحابنا لوليه ** مير ذالحين والله ماتهنابها

ابن عياد
[COLOR="Black"]انت عندك علوم بين هذي وذيه ** واضحه بين قاريها وكتابها
يافلاح انت عندك عزوتن عامريه ** شب نارك على الفتنه ياشبابها

فلاح الحنان
ليت مانته معي في هية القادسيه ** يوم رقط الحيايا تسحب اذنابها
والعدو مايعيد في نهار الضحيه ** واكثر الناس عيت تمسك اعصابها[/COLOR

]