قصيده للشاعر فيصل بن خالد البحيح الشماسي السبيعي موجهها لرفيقه وخويه وجاره
عايض بن عبدالله بن عايض السبيعي
ابطيت ماشفت اول الذود جاني=وانا على طول النهاراسبر الدرب
اما تعالوا ياطوال اليماني=والارجعنا يمكم للبلدغصب
الحمدلله ماش شي حداني=لكن ابي ربع لهم خاطري طرب
اهل الوفا ومعربين المجاني=إعيال عود دايم الطيب له كسب
عاداتهم ذبح الجزال السماني=والصعب لاجوني يجي ماهوبصعب
عايض ليا من شان وجه الزماني=كريم سبلا طيب وافي ذرب
في مجلسه دايم ضيوف وعواني=على سمان وعود وادلال اتصب
من عقبهم ماعاد زان المكاني=ولازان حتى عندي الأكل والشرب
يالله في نو نصوبه متاني=عقب صلاة الظهر ينشي من الغرب
يضفي على الديره يجر الغواني=وسط النهار وكنه الليل لاقرب
بأمر اللذي لاقال له كون كاني=الله ينفعبه ويفرج به الكرب
حتى يجي ويحقق الله الاماني=نرعى فياض عشبها عله الرب
عجل وفك الشبك عنها عشاني =وانقر لها صوتين واندب لها ندب
واختم بذكر الله جزيل المعاني=وصلوا على المختار من صادق القلب