[الصا لح]

كريم برق المزنه الوسميه0000اللي على نجد العذيه ضاوي

ياعل يسقي ديرة حدريه 0000 اهل الشحم والعود والقهاوي

من يوم شفته طاري لي نيه0000 الله يسهل درب منهو نــــاوي

يطري علي بنت العرب نجديه0000وليا طرتلي فاح عود جــــاوي

المعرفه في حفلة صيفيه 0000 يوم اشرت ثم فلت الحنــــاوي

وطبت تهنف لين صرت ضحيه0000على اغنية وش تنتظر لمخاوي

هي بنت لاكن بالذهب مطليه0000منها يصيب البيض نجم هـــاوي

زينه وبنت رجال وسنافيه0000وياوش لباقة كوثر البشــراوي

يسحر حلاها تمرة برحيه0000 وملح البحور ومعه عود ر ا و ي

اما السوالف قهوة بريه0000فنجالها يقعد عماس الخــــاوي

والعين عين موحشاْ بحريه0000 طرح الشبك شرق من الصداوي

ورمشه سيوف العرضه النجديه0000 تصيب كل العاشقين بكــــاوي

تآمر ومن هاذي قبل هاذيه0000 حياه موت لعينها متســــاوي

منها الابنآخي ينخي ابنآخيه0000 واصبح يجر الصوت ذيب عاوي

بس البلا من حاجة مخفيه0000انا هلالي والغضي نصــــراوي

وقولوا لوضحا حايل مرعيه0000ياجعل يفداها الغنم والشــــاوي

ان الحياه الضيعه المنسيه0000 لاغاب من للزين كله حــــــاوي

وزود على صبري ترى مافيه0000 من بعدها حالي طواه الطاوي

وياعاذلي لوجبت علم ليه0000ماطعت فيها والخلا يـــــا واوي

وكريم برق المزنه الوسميه 0000 اللي على نجد العذيه ضـــاوي

--------------------------------------------------------------------------------