منتديات سبيع الغلباء - عرض مشاركة واحدة

إبراهيم سعد · غير متصل

اقتباس:

المشاركة الأصلية كتبت بواسطة حمود الحقي

ياهجوسي هات وجدك ولو همي ثقيل=مير مايبحث خفايه ولا يبحث خفاك
متكل بالله تعالى وهو نعم الوكيل=ماعقدتك يتكالي على هذا وذاك
جل شانك هادي العبد يالرب الجليل=يامجيباً تقبل دعاه لامنه دعاك
استوا بدع المثايل على الخط الطويل=من ضميراً لاندبته بكبته قال هاك
مزنت الاشعار تبرق وترعد فالمخيل=ياشريب اقطع ضما الكبد جاك السيل جاك
والله اني مثل ماقيل مايخدم بخيل= مجتهد يالمجتهد غن واللوم يعداك
والمخايل بعضها لو تراهش ماتسيل=وان تحدّر سيلها الكدر مايقطع ضماك
لي سلوبي واعشق الجزل والشعر الجزيل=يازبون الهزل لاهنت رح عنا وراك
ماتعمدة انظم الشعر فالطرف الكحيل=مير بعض احيان يشعاك براقٍ شعاك
موجز الموضوع غنيت والمقصد نبيل=يالبنادم فيه عندي نصايح وتعناك
في حياتك والله انك كما عابر سبيل=وان ضمنت انك تغدا فلا تضمن عشاك
المنايا خيلها داقله والها صهيل=وانت لك يوماً توطاك وتوسّم عصاك
اغتنم فرصة حياتك ترا الدنيا رحيل=فالعباده واتعض ماوطا غيرك وطاك
لاقضى الامر وحصل لامبيت ولامقيل=منت حاصد غير زرعك وماحاشت يداك
والرجال اهل المعاريف واصحاب الجميل=لاعطوك اوجيههم لاتلقيهم قفاك
سمعة الرجال تخلص عميلٍ من عميل=وانت ماوصيك من عطرها عطر نباك
وعز نفسك لاتقول الكثير امن القليل=الهوان انعشت فالهون نزل مستواك
واحم في دينك ترا الدين يالحر الاصيل=عزك اللي كان ماتحفظه كلٍ وطاك
وش كرامة مسلماً عاش فالدنيا ذليل=عن حياة الذل والعار يازين الهلاك
اليهود تذل الاسلام وتحط وتشيل=وامة الاسلام تشجب لارد ولا حراك
اعتبارً مايرده سوا السيف الصقيل=انتهك عرض النبي يارياجيل انتهاك
واغبوني مابقى شي والكفه تميل=الله انه ياضيا الحق ينسى من نساك
ولو رحل حلم الحقيقه وحل المستحيل=فيه كلمة ياضميري تحلّج في حشاك
مانصرنا صفوة الخلق واشفينا الغليل=لوقطعنا جبن كيري وزبدة لورباك

حمود بن قاسي الحقي

وش اقتبس وش اخلي ياحمود كلها ذهب في ذهب

حرفنت شاعر محترف مايقدرها الا شاعر حقيقي

نعم هذا هو الشعر الحقيقي

صح لسااااانك مدد بلاعدد

وتحياتي لك

مدري وجابها في قسم المنقول راسل الاداره لنقلها