للتواصل
مشاركتي في حفل تخريج ضباط قبيلة سبيع من الكليه الامنيه
الشعر كانه ماعبر عن صدوق الشعور=ماهوب شعرٍ يعد ولا يسمى شعر
لو جيت باأحكامه وطرقت كل البحور= لاصار ماترجم الإحساس مايعتبر
وشعرٍ لامنه دعى الماجوب ماله حضور= أن ماحضر في مواجيبه لاعاد يحضر
حتى ولو برر غيابه ماهوب معذور= وقت المواجيب ماله لاتغيب عذر
والليله اللي مثل ذليل للشعر دور= في حفلةٍ تستحق من القصيد الدرر
حفلٍ يشرف سبيع أجيه وانا فخور=أحضر واشارك بني عمي وكلي فخر
وابدأ بترحيبةٍ يبهج صداها الصدور=ترحيبةٍ تشمل الحضار نفر نفر
يامرحبا ياهلا والله يحيي الحضور=مالاح برق المزون وهل وبل المطر
ونثني التراحيب في ضيافة طوال الشبور=اللي تردد تراحيب الوفاء من عصر
رجالٍ لكسب العلا عدو سوات الصقور=اللي لها العاليات من النوايف مقر
بالعلم يبنون صرح المجد والعلم نور=على حساب المعالي ماحسبوا للسهر
اجهود متواصله مامر فيها فتور=تعبوا سنوات واليوم النتائج تسر
لا شك بعد الله ميسر جميع الامور=المجد ماحصلوه إلابعزم وصبر
مسيرةٍ تاجها ثقة ولآة الأمور=الله يوفقكم ويحفظ ولآة الأمر
والليلة اللي يعانقها الفرح والسرور=وتعمنا افراحها وأسعد ليال العمر
نبارك لضباط الامن محصنين الثغور=اللي بهم الامن في كل الوطن يستقر
سبيع تفخر بكم لانكم على الدار سور=دون الوطن حد سيف وللقبيلة ذخر
وانتوا ورى هقوة الهاقي مافيكم قصور=ويحق لسبيع في أهل الطايلة تفتخر
الله يهنئيكم ويكفيكم من الشرور=ويحقق أمالكم وأفراحكم تستمر
وختامها مرحبا والله يحيي الحضور=مالاح برق المزون وهل وبل المطر