[اسد الغربية]

المشاركة الأصلية كتبت بواسطة الخيّال

قصيدة الشاعر ابن هتيل الدوسري في عبدالله بن غريب الفراعنة

بالله يالي تاصلون المعازيب=تحملوا مني لهم برساله
أخذوا كلامي وأنهجوا يامناديب=سلام لباً صافياً من زلاله
الذ وحلا من حليب الحنازيب=من بعد زملوقاً تمزع خياله
لاجيتو ال سعود يأهل المكاتيب=رفيقكم الأدنى ردوبها له
حكام نجد الي تروي المغاليب=بالفضل لاشال التوهم رجاله
قولولهم مني بلباً وترتيب=لا ياصلون الملتبس في الرساله
الحكم لله والمراجل تواهيب=والله يحب أهل الوفاء والعداله
وترى ابن 000 فيه عيب وشواذيب=ويخرب المنصب ويدمر جماله
الله يلومه عد ماهرول الذيب=ملاماً أقوله ومن جاه قاله
أنا ضيف وأحسب أن المعازيب=مايطردون الضيف بيات حاله
وأثره خسيساً وماضيله تجاريب=ويطرد الضيفان من شين فاله
جعل فدى أبن غريب في المواجيب=وأيضاً بعد خده وقاية نعاله
الي يبش خاطره بالتراحيب=وايضاً بحله للنشاما سباله
من لابة يردون غوص المصاليب=فراعنه لاعد كل سواله
وسبيعاً الغلبا ليا جيب ماجيب=كله على شانه ونشر الثناء له
تسمعولي وافهمولي يالواعيب=اما ألعبوا وإلا عطوني وكاله
ياسبيع قوموا قومةٍ تشلع الجيب=وتمحنوه الله يعجل زواله
يادارعبدالله يامال النبانيب=من مدلهم لاوطى الحزم شاله
من خايعاً سيله يشيل العراقيب=يسقي جباله لين تروى سهاله
يسقي شعيب الغرس والفطر الشيب=دار الزكور مكملين كل قاله
هذا وما قاله سعيد التجاريب=سعد الرفيق الي بحاله وماله

بيض الله وجهك أخي الخيال

وللعلم

انتقل الشيخ عبدالله ابن غريب الى رحمه الله سبحانه وتعالى في يوم السبت الموافق 12/7/1433ه

رحمه الله ودخلة فسيح جنانه