[جفين الطويرش]

ياهاجوس الشعر ذليل مالك من فرار=لا تجيب الا الجزايل وخل الطامنه

ودي انصح بالقصيدة ضحايا المستشار=يا عساها توقض اللي نويبه لامنه

يا رفيقي كان ودك بعلمي بختصار=كل من تجمعك به مصلحه لا تامنه

كم صدوقٍ ضيعته الثقه بول نهار=زود نقصان العشر ما يطول الثامنه

ويا كثر من يختفي خلف وجهٍ مستعار=وكم رفيقٍ خاب ضنه من اللي وامنه

انتبه ياللي تعرف اليمين من اليسار=لايزامنك الردي وانت حذرا تزامنه

ما نعم الناس لاكن تفكر ويش صار=حيلة المحتال هزله لونها سامنه

الثقه تبنا وتبنا على رجالٍ خيار=والخميني نعرفه لو يصلي بخامنه

احرص من اللي تلبس بجوخات الوقار=ما ترده ذمته عن حيله الكامنه

والختام اهل الحيل هم مصنت العذار=تعرفه من كثر ما ضاع علمٍ ظامنه