اخواني مشرفين واعضاء منتدانا العريق بكم ....ضيوفنا الزوار الكرام
السلام عليكم ورحمة الله وبركاته:
اتمنى ان تنال هذه المتواضعه قليل من استحسانكم ورضاكم بعد
طول الغياب الذي اجبرتني الضروف عليه بغير رضاءٍ مني
البــارحه يــوم المخـاليق نعّاس = كـدر على العين الشقيه هواجـيـس
قمت ادرج الافكـار والفكر منحـاس = وثـارت براكين الضمـاير مقـابيس
سهرت ليلي بين وقـفـه ومجـلاس = وونات صدري في ضلوعي محابيس
هموم فكري سبـة الشـيب فـالراس = قـامت تـداحم كنها هـايم العـيس
من زود همي ضـاق صدري بالانفاس = وكنه يحمس القلب فوق المحـاميس
ياناس كـف اللـوم تكفون يـانـاس = ماحد(ن) سمع قصة هوى عنتروقيس؟
وش حيلت اللي ذاق مرين في كـاس = من قـشـر حـظه والليالي المتعايس
يانـاس خـلـو تايه الفـكر محتاس = وخـلـوه يكـتـب ونته فالقـراطيس
بسوق الذهب تشتال الاغراض فأكياس = وتبعتهـا فـاقـد جميع الاحـاسيس
مزيونة (ن) في لبسها عقد الالمـاس = ويـازيـنها لو خلت العقد فالكيس
ارمـوش نـجـلـه كنها رمح جساس = يـوم ازرقتني بـالعـيون المناعيس
الله وهـبها الزيـن من دون مقـياس = ماقـلدت بـالزيـن نجوى و كاريس
اليـا اقبلت من شـافها قـال عساس = واليـا ادبرت في دربها كالجواسيس
هـذا السـبب فـالهم و النـاس نعّاس = والله يعـيـن اللي بقـلبه هواجيس
اخوكم / ابــــو فـــهــد