لارمى بالنواعس عارفٍ من يصيد
كُتب : [ 24 - 08 - 2004 ]
ضاق صدري واباطلع يابو عبد المجيد = ودي اطلع واطالع فوق راس البيان
ودي اطلع واطالع كل شئياً بعيد = ضيقة الصدر جتني يا الله المستعان
من سبايب عشيراً بالمواصل عنيد = مايجي بالسلوب ولايجي باللعان
يحسب انه على هجري يبا يستفيد = وابتلينا بحبه مايعرف الحنان
قلت للقلب خله قال ماعنه احيد = ذا هواللي لعب في صحتي من زمان
لارمى بالنواعس عارفٍ من يصيد = حطني شارتٍ له لين شفت الجنان
ترقد الناس وانا اسهر لحالي وحيد = ماقبل النوم لين الصبح نوره يبان
ابدع الشعر واكتب من بيوت القصيد = تعب فكري وتعبت القلم والبنان
ياعيون اشقراً شاله خوي الوليد = الجفاء بينا والهجرماله مكان
خلنا ياحبيبي نبتدي من جديد = واعرف ان المحبه ماتجي باللسان
كان ماتم وصلك اعرف اني شهيد = يوم اشوفك تثنى كنك الخيزران
|