[سعد بن جراش]

بسم الله الرحمن الرحيم


هذا رابط قصيدة بن جراح

http://www.sobe3.com/vb/showthread.php?t=4313
اتمنى ان تعجبكم

انا باجاري حروفك قبل ماحاول مجاراك = من اعجابي تهيضت وكتبت وجتك مسطوره
الا ياحرف ابن جراح جعل حروفهم تفداك = وانا ادري بالحروف الباقيه ذالحين مقهوره
نويت اكتب على بدع ٍ بدعته وابتدي مبداك = لقيت ان القوافي كلها بالبدع مسحوره
قريتك لين خلصتك واعوّد وابتدي واقراك = واحلق بك وتبحر بي الى غايات محظوره
رسمتك فالسما نجمه ودارت دورة الأفلاك = وصرت الشمس والقمرا وكل الناس مبهوره
الاياحرف حاورتك وانا قصدي على هذاك = الا وش لون ماطعته وانا خابرْ ك في شوره
الا ياحرف وصل لي سلامي للذي عناك = وقل له كيف ماترسم وهي بالفكر محفوره
الا ياحرف ماشفته ولكن ماعتقد تخفاك= وصوفه وانت داري به وشفت الروض وزهوره
يقول الموت ف عيونه وخصره حول عود الراك= وخده كنه اللي من دماث العرق ممطوره
الاياحرف ماودي اوضح دام اهو وصّاك = اشوف النور فالظلما وغيري مظلم ٍ نوره
حروفك يوم كلمتك تراها تحتمي بحماك = تحاول غصب تشرح لك اساس الأصل والصوره
ولو حاولت تبعدها تراها فالأصل مبناك = وبامرك تختفي ولا تصير اليوم مشهوره
حروف القافيه ردت وقالت ويش انا لولاك = تطوعني وانا لاجلك سواة العبد ماموره
وانا باقول فالآخر عسى الله ياولد يجزاك = بكل الخير يوم انك نبشت اشياء مطموره