بسم الله الرحمن الرحيم
اخواني اعضاء المنتدى اقدم هذه القصيدة من شاعر التوباد (1) / سعد بن ثلاب القباني من الشماسات من الزكور من سبيع بن عامر .
شاعر التوباد : تفاعلت مع العزاب ، وصورت نفسي من ضمنهم ، فكانت هذه القصيدة :-
اذا ضاق صدري قمت أنا اكتب على الحاسوب = افرج هموم القلب بالحاسب الالي
ياعزتي لي راح عمري وحنا اعزوب = وذا المجتمع ياناس مايرحم الحالي
اظن العزوبي من سجلاتنا مشطوب = وصرنا نحقرة ياعرب تقل نيبالي
ولا في العزوبية اعيوب ولاعذروب = ولا شك ما لابن آدم غير مانالي
يقولون مايجري لك مقدور ومكتوب = وانا اقول هاتوا زوجتي واتركوا فالي
تضايقت من نفسي ومن لبستي للثوب = ابي مالبس ثاني ولا شك ماجالي
ابي تدرسوا وضعي عسى تفتحون ادروب = عسى اللي خلقني ياهل يجبر احوالي
فيا الله يالرزاق ياربنا المطلوب = تحل القضايا عندنا يالله الوالي
التوباد : جبل في منطقة الغيل بالافلاج لبني عامر كان يتقابل فيه قيس بن الملوح وليلى العامرية والان الغيل يسكنها القبابنه من الشماسات من الزكورمن سبيع ، فأطلق محبو الشاعر سعد بن ثلاب لقب شاعر التوباد عليه .