بيض الله و جهك يا سلمان
وصح لسانك يا سعود
ونعم والله بالجمالين
ولكن احرجتنا يا سعود وفرغت قلوب سبيع من الحب
فخلها
يا بنت لا يعمسك قول المحامين="ما يستفز العشق قلب السبيعي"
انا اشهد انا نعشق الملح والزين=وماشفت اطرى من قليب السبيعي
هذا محامي وغلبه كثرة الدين=وقام يترفع عن طريق(ن) طبيعي
باع الهوى وخلى هله في الطواعين=هذا تطرف ما امربه شفيعي
المصطفى حب النساء و الرياحين=حب الأهل سنة ولا هو يضيعي
يابنت حبي لك في قلبي براكين=انتي زهر قلبي وانتي ربيعي
يا بنت مثلي من سبيع(ن) ملاين=قلوبها خضرا ولله تطيعي
الدين (انتيفيروس(ن) ) للمحبين=يشرف على اللي ينشرى او نبيعي
يمنع دخول المايلات الملاعين=ويسمح بحب مربيات الجنيني
قاله صبي سبيع ابن الذعافين=وارجو السموحه يا سعود السبيعي