[سهم]

احدث ما قاله الشاعر سهم ولد ابو سهم من غزل

في الحوريه عجرى اخت مشعاب

وسامحونا على اللطشه المحترمه :icon_bigg

عهدي بهـا قـدّام تلبـس عبايـه = وأنا بعد قبل البس شماغ وعقـال
طفلين نتهجّـى حـروف البدايـه = الله ياماأجمل سواليـف الاطفـال
كانت لنا في كل شـارع حكايـه =وكنّا نقول علوم ماهيـب تنقـال
وكنت اتقاسـم مامعاهـا معايـه = من(عسكريم) التوت,للعلك ابوريال
وكانت بعكسي شاطره في القرايه = تقرأ جزء عـمّ وطـه والانفـال
وكانت لابويه تشتكي من شقايـه = وتعلّمه كيف اربط الباب بحبـال
ياما على ظهري كسر من عصايه = يقول لي:خلّك وأنا ابـوك رجّـال
وامي تقول:ادع لولـدك الهدايـه =خوفي تصيبه كثرة الضرب بهبال
لاشفتها مـع اول الـدرب جايـه = مدري أنا اللي ملت ولاّ الوطا مال
احسّ قلبي يرتجف فـي حشايـه = ماكنّه الاّ الضيف لاهـزّ فنجـال
تقول:خلّـك يـا سهيـم معـايـه = واسّتأنس العب عندها دور الابطال
وآغار حتّى من عيون اصدقايـه = لاطالعوها قلت:تكفـون ياعيـال!

شعارنا في الحياه ;1

والقادم مذهل