[العاشق]

يازعيم الغيد يازاهي الوصف المليح=يا ملاك الحسن والذوق لي عندك رجا
لاتعذبني ترى مابقالي غيرأصيح=باح مكنوني و الا فكار و العقل دلجا
قالو النظرة سبايب عنى القلب الجريح=قلت للناظركفى ماحصل قال سهجا
انت زينك يفتن الناس تكفى لاتتيح=فرصة اللي نظرته مالهاحرز وحجا
لوأقول انك أسطوره طلع قولي صحيح=أشهد ان اللي وقع في شباكك ما نجا
ويش اوصف ويش أخلي وش أحجب وأستبيح=بس رؤس أقلام ماتكفي حروف الهجا
عين حٌراً فوق راحة يدالوجه الفليح=ناويٍ له ضربةً تودع الدم زعجا
والشفايف جمرةٍ كرها مهبوب ريح=تحت طيب العود والإ تحت كبد سحجا
وان تبسم برق وسمٍ هماليله طفيح=والمحياكانه البدر في ليلة دجا
صورتة منسوجةً في خيالي ما تبيح=ياكثر حزني ليا راح وأ فراحي لاجا
ياعذولي لا تكلف تراجع واستريح=والله أن حبي وحبه مثل سلمى وأجا
بالشموخ وبالرساوه وبالقول الصريح=الغلا فالقلب محداً يزيحه لا لجا
لو عطوني كل ما يحوي الكون الفسيح=واتنازل عنه جاوبتهم رفض وهجا
حافظً عهده وحبه وقدره مايطيح=مثل مااحفظ سورة الٌزلزله وإذا سجا .