يا هاجري وربي الله ... اللي انا سمعته ان الدواسر هم اللي هزموا الشريف من غير قصور في باقي القبايل
وهناك من اثبت ذلك من شعراء محايدين
يقول الشاعر علي بن بلال اليامي
هل مثلوثه وأهل خيل يوم الحرب شـاع *** جارها يركض وراها الشريـف وتمنعـه
ودون هيبتهم انطلوا هيبتـه طليـة وداع *** (الدواسر) من على سرج حجلا تجدعـه
ساومت سلطان الأشراف في سوق المباع *** والحرايـب نارهـا وارثــه ومولـعـة
والفعايل بيـن شتـي القبايـل والبقـاع *** مـن قديـم بيـن هـذا وذاك موزعـه
ويقول أيضاً الشاعر علي بن بلال اليامي
بني زايد اللي تنطح الضد فـي الميعـاد *** دواسر تمكـن فـي عداهـا مضاربهـا
هل العرف واهل السيف والمنسف المعتاد *** واهل جيرة ياسم عصا الجار صاحبهـا
لهم هيبة أثقـل مـن العـارض المنقـاد *** تحامت على ابن مطرف يـوم لاذ بهـا
بغاه الشريف ولا حصل للشريف مـراد *** برزلـه طحاطيـح تفتـل شواربـهـا
تعلوا ظهور الخيل دون الدخيـل عمـاد ***ولهم دولة الاشراف طاحـت مناصبهـا
هذا والقصيدة في عريب الجـدود تعـاد *** من اقصى حقيقة كلمـة الحـق نكتبهـا
ابيها الـى مـرت علـى واحـد حسـاد *** يقنع بها نفـس الـردى لـو يغضبهـا
وابيها الى مـرت علـى واحـد جحـاد *** يعـرف الثنـا ويـرد للنـاس واجبهـا
وابيها الى مرت علـى مجلـس النقـاد *** يقولـون مـا فيهـا كـلام يعذربـهـا
ويقول الشاعر مانع بن زريق العجمي
تغنيت باسم اعجيم جـدي وجـدي يـام *** ومـن ديـرة الدامـر بسـوق القـدم يمـه
الى وادي العود الفحل دوسر الضرغـام *** راع الـوادي المسمـى مهـو وادي الرّمـه
ظنا زايد وتغلب اتحط العلـوم اقسـام *** كـلام عليـه الحلـف والـنـذر والـذمـه
تعنا الشريف لدارهـم معتليـه اعـرام *** وردت عزاويـه بعـد جورهـم يـا امــه
تعـدا القبايـل ساكنـه يبتحـص قـدام *** وبعـد ماوصلهـم قصـوا اشنابـه وكـمـه
فهم مزبن الساطي وهم ملتجا المنضـام *** وهم فزعـة المضهـود هـم نقـوة الامـه
ويقول الشاعر المعروف ابن لعبون على لسان الدواسر
حنا هل الـوادي وحنـا المناعيـر *** وحنا ودينـا جارنـا مـن جـداره
يشهد لنا جريس اليمانـي بتفخيـر *** يومه عن أهل الدين محدن أجـاره
ويقول الشريف بعد هزيمته من قبيلة الدواسر
الله لا يسقي نهـار علـي تيـن" *** "يوم غدينا ياشجيـع بـه اقطـاع
جونا الدواسر مع فريق القحاطين" *** "كلنا لهم بالمد واوفوا لنا الصـاع
ياشيب عيني يوم قالوا عقاليـن" *** "ود الذليل أنه ترابٍ مـن القـاع
جونا الدواسر مثل وردٍ محيميـن"*** "جونا وجيناهم على كـل مطـواع
حطيت بالرجلين زيـن التواميـن" *** "ووسطها ما بينهـم تقـل فـراع
والخيل مثل مفلتـات الشياهيـن"*** "والقلب من كثر المثارات يرتـاع
نبي نرد ولا اودعونا الوداعيـن" *** "ياما وطيناهم على صحصح القاع
ياشوفة الله ليلة الغـزو ملفيـن" *** "لو تجمع الستين عشاهم الصـاع
يا فضحنا من لا بسات السباهين" *** "اللي يديرون الشويرع بالاصبـاع
الاشراف لانوا عقب ماهم بقاسين" *** "والشق ما يرفاه خمسة عشر باع
ويقول ابن مطرف اللي زبنوه الدواسر من الشريف
جلينا وجلانا الشريـف ابـن هاشـم" *** "وسواة مـن جـلا الشريـف ايخـاف
زبـنـا يــم رجـــال عتـيـبـه" *** " وقلوبهم صـوب الشريـف اصخـاف
جلينـا ونصينـا سبيـع ابـن عامـر" *** "يدوسـون لاريـا والعـزوم ضعـاف
مشيـنـا ونصـيـنـا آل زايـــد" *** "أطـوال القـنـا بـيـن أعـسـاف
ومن قبل ذا قـد زبنـو اللـي قبلنـا" *** "وداو وعمـا مـن لايشـوف وشـاف
أفيا نعم ياولـد بـن خطـاب شيخهـم" *** "وسيفه من راس الشريـف أعسـاف
ويانعـم ياولـد المبيعـيـج نـاصـر" *** "جـواده فـي العـج اتغبـا وتشـاف
أوعمريٍ الصطا من شبا السيف حاضر" *** "جـواده منهـا السابـقـات تـخـاف
تـرى عزوتـي منهـم رجـال آل فــادر *** غشاهـم مــن البيـضـا ذرا والـحـاف
وترى معرفتي منهم الفارس محمد *** علـيـه مــن جـديـد الـجـوخ الـحــاف
وترى معرفتي منهم صفرا الفويضل *** عـلـيـهـا مــــن زيــــن الـبـتــات.....
عسى الله يحيي لـى بـلاد آل زايـد" *** "وعساها من عقـب الربيـع تصـاف
مازبـن اللـى مثلنـا كـون مثلهـم" *** "أكسـرو عساكـر دولـة الاشــراف
يوم أصفقو القوم فـي القـوم أرتكـو" *** "أرزان المواقف هـم ذرا مـن خـاف
هذا بالنسبة للشعراء ليسوا بدواسر .. وبعضهم له علاقة بالحرب مثل الشريف وابن مطرف جريس اليماني
وبالنسبة لشعراء الدواسر فحدث ولا حرج فقد ذكروها في اشعارهم ... لكن نضع لك المحايد حتى لا تتهم قبيلة الدواسر بأنها تسرق امجاد غيرها .... ولأضع القارئ الكريم على الحقيقة وليعرف جيداً من يسرق امجاد من ..
تحياتي لك