القصيدة تكفي عن أي كلام
الشيخ ناصر شيخنا يا رياجيل = ومن لا يرشح شيخنا ما حسبنا
العلم ويا الخلق والراي والحيل = هو صامل الهدات لامن نشبنا
ارشحه مليون ترشيح لو قيل = مشعاب وش دخله في منطقتنا
سديد راي وفي المواقيف حلحيل=يرعى مصالحنا ويرعى هدفنا
كريم ساس و لا عطى يوفي الكيل = رجل الحمول الليا تثنت ركبنا
جده سعد راع العشاء والمعاميل = يا جعل يفداه الردي من عربنا
يا شيخ ناصر قدم الرجل بالحيل = وعان المدينة ضوها من حطبنا
نق المدينة من خيوط المحابيل=وساس البلاء مديرها اللي سرقنا
وربعه وصدقانه كبار المحاصيل = من جسمنا عاشوا وحاشوا ذهبنا
نبغا زفلت وكهربٍ يجلي الليل = ونبغا نظافة غير هالي نهبنا
والماء ترى هو غاية يا مشاكيل = وإن ما طلبتوا التحليه ما شربنا
ونبغا قطع بالألف في جسمنا ميل = أربع مية ما هيب تسوى تعبنا
الأرض تقعد عمر وإنا مهازيل = ما نقدر ارض الخاين اللي سلبنا
يقول لازم تشتري جعله السيل = ضاري بمص الدم من مملكتنا
ونبغا ارصفه مع رسمة تشبه سهيل = وتجميل شامل للقرى مع بلدنا
الشيخ ناصر شيخنا يا رياجيل = ومن لا يرشح شيخنا ما حسبنا
ارشحه مليون ترشيح لو قيل = مشعاب وش دخله في منطقتنا
نظم : مشعاب اخو عجراء السبيعي