[بحر الشوق]

الليل يا قلب الزلامي واعرف ارضك من سماك=يمكن تجي وتـروح لاراضـي ولا زعلانيـه
ماخافو العربان من سيفك ولا خافـو عصـاك=خل العصـا فالليـل وتحامـي بهـا الديبانيـه
ياذيب ياللي في توال الليـل هيضنـي عـواك=من جوع ولامشعـر بالخـوف يـا سرحانيـه
ان كان ما ودك بسيفي خل صوتك في سمـاك=واليا نغزك ابليـس شفنـا لـك سهـوم ثانيـه
ازعلنـي اللـي راح قدامـك وخليتـه وراك=اثر معـك كبـدٍ تشيـل طويـق والصمانيـه
مدري معك جني يشب النـار ولا وش بـلاك=اتزعـل الراعـي لوانـه علـم الرعيانـيـه
ازعل زعل حربي ولا تنشد عتيبه عن رضاك=يرضونك اللي يزرعـون الخـوخ والرمانيـه
انته رحلت من المدينه يوم ربـي مـا هـداك=تشـد مـن دار النبـي وتجـاور الهتمانـيـه
الظاهر انك عقب ليله وحـده تطـوي رشـاك=وتشد من ركبـه وتنـزل باوسـط الضلعانيـه
ياثلب ما نسمع هديرك ما سمعنـا الا رغـاك=واهل المدينـه قفلـوا مـن دونهـا البيبانيـه
حنا ليا منا كحلنا العيـن مـا نقصـد عمـاك=نبيك تسرح مع طريق الطيـر ابـو جنحانيـه
الله منعنا ماعطانا وانت مـدري وش عطـاك=مدري سمعنا مـا سمعنـا والعـرب كذبانيـه
لولاك غالي كان طلعنا سنونـك مـن جمـاك=واللي يشوفك يحسب انك من حـد الورعانيـه
اذا عطانـا الله كتـاب الطيـب فصلنـا دواك=اظـن قلبـك ينتـبـه وتخـلـص الديانـيـه
حرام قتلك يوم اشوفـك تنثنـي دون اخويـاك=والمنثنـي يـوم الهزيمـه فـارس الفرسانيـه
حذراك تجبرني على الوعرات لين العن ثواك=بحضور قاض المحكمه نفرشك فرش الزانيـه
صياف ماهو حبةٍ فالجيـب تطحنهـا رحـاك=نعرفك عرفٍ زيـن قبـل تجـرد الذرعانيـه
جاتك عجوز ماعره حطت لبنها فـوق مـاك=ومن الزعل شلت الهـدوم وجيتنـا عريانيـه