[راكان محمد]

أتمنى أن تنال على اعجــــابكم

تعبت أجامل وأختلق لأجلـه أعـذار=تعبـت أساهـر وآتحـرّا وصولـه
ملّيت أراسـل وأنتظـر رد الأخبـار=ملّيـت أعـدّي يالهنـوف الزعولـه
كنّي غريمك وأطلبك يالغضـي ثـار=يامرهـفـه يافاتـنـه ياخجـولـه
ياللي جمالك سالـبٍ كـل الأنظـار=لا مـر زولـك للمـلا وقفـوا لـه
وشلون أغار وكـل خلـق الله تغـار=جوهر ياكثـر اللـي تمنـى ينولـه
قال المثل : نغلي على شانـه ديـار=وأنا حبيبـي لأجلـه أغليـت دولـه
أغليه مدري بس هـذا الـذي صـار=مدري وش اللي هو بيرضي ميولـه
أبيات شعـري كلهـا منْـه تحتـار=منْـه القوافـي لاذكرتـه جفـولـه
قلبي وعينـي والفكـر جـوه زوّار=كـلٍ ترقّـب بـس لحظـة نزولـه
مثل المطر خلّي جرت عقبـه أنهـار=كـلٍ تحـرّا فـي غيابـه هطـولـه
مثل الربيع اللـي نبـت فيـه نـوّار=ياما ترجّـا النـاس ساعـة حلولـه
قلبي خـذاه وحطّـه اليـوم تذكـار=لأهل الهوى والحب واللي سعـوا لـه
يقـول هـذا واحـدٍ غيـره كـثـار=الحب يامـا واجـد اللـي فنـوا لـه
الحب يامـا شتّـت قلـوب وأنظـار=ياما قنبت وغيري اللـي عـووا لـه
يا قلـب قلّـي فالمـلا ليـه تختـار=وحده يهز القلـب عرضـه وطولـه
المدّعي يكتـب علـى نفسـه إقـرار=وأنــا أردّد ماكتبـتـه وأقـولــه
أبملكـه وأبنـي علـى داره جـدار=وأمنع تجوّل كل مـن سـار حولـه
وأفرض عليه بحضر وسياج وحصار=وأعاملـه كنّـه بـسـن الطفـولـه
وأعطّر كفوفـه شـذا ورد وأزهـار=وأعطيه من مرجان بحـري ولولـه
وأنصّبه قايـد هجوسـي والأفكـار=تكفـون لاقلـت الشعـر صفّقوالـه
لأنه سبب قدح المعانـي و الأشعـار=عذب المعاني والجزالـه حبـوا لـه
قربه هنا نفسي وبعـده لظـى نـار=عيني تسابق خطوتـي لـه عجولـه
لجله فنى عمري فدا عمـره أعمـار=ما غيره أحدٍ شاقنـي شـوف زولـه
لاتحسبنـي يامنـى الـروح غـدار=عاشق وجيشك حاصرتنـي خيولـه
بفشيك سرٍ غامـضٍ بيـن الأسـرار=ترى قلـوب أهـل القصايـد ملولـه
شعّار وأدري ياهوى البـال شطّـار=لهم علـى القيفـان صولـه وجولـه
اصغار طاحوا قدمْك اليـوم وكبـار=وأنـا عليهـم نلـت دور البطـولـه
جيتك وأنـا ذودي مغاتيـر وبكـار=راحل زهابه فـوق غـارب ذلولـه
وجيتك بعد شاعر وفارس وصقّـار=اللـي تبـي آمـر تدلّـل وقـولـه
عجزت أجامل وأختلق لجلك أعـذار=ملّيت زولـك ليـه طـوّل وصولـه
أما تجيني يا ضيـا الـروح والـدار=وألا أبعدي عن سكتـي يـا زعولـه

أخوكم / راكان محمد