اخواني الكرام اقدم لككم هذه القصيدة
مع تمنياتي ان تنال على اعجابكم ورضاكم
[poet font="Simplified Arabic,3,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
عزاه يا قلب همومه ثقيلة = شاخت عليه وفتحن المصاريع
تجاولت بين الظلوع النحيلة = تطرق بصدري مثل طرق الصنانيع
من جاه مثلي ياعرب عزتي له = لحقه بهزات الضماير توابيع
لاشك عيا الهم يخلي سبيله = واركا عليه من الليلي صوافيع
لو حيل ماينحال ياكيف احيله =مادام له وصط الضماير منابيع
قمت أتعوذ وألحقه بتهليله = يالله عسى همي يجي له شواليع
ويا علها تشفي الصدور العليلة = ترتاح مع ذكر الولي الروابيع
ولاشك قول الشعر عندي وسيله=يبرد ضمير صار وسطه ولاليع
لاجيت بابني فالبيوت الجز يله = القاف جاني خاضع الراس ومطيع
بدع المعاني ماتجي مستحيلة = ملكتها واشري من الفكر وابيع
لوكأن مدح النفس عيب وفشيله = قول بلياثبت هرج وتصانيع
لكن كل عارف وش حصيلة = احدٍ يصيد الظبي واحد جرابيع
واحدٍ على قطع الفيافي دلليله = واحدٍ بداره ينشد الربع ويضيع
قال المثل ملا يعبي صميله = فالمقطعه مافاد عض الاصابيع
ومن لا يحسب الناس ما تحتسي له =والهرج مابنا بيوت ومشاريع
وأمس الضحى عديت عيطن طويلة = من جر صوته مايجي له سواميع
بين الحصان وبين وادي حويله=يوم ان شمس الصبح بانت مع الريع))(1) ))
بارض خلا عله من الوسم سيله = نبته تخالط والزبيدي مصاليع
قمت أتفكر كل جيل وجيله = واسترسلت نفسي بفتح المواضيع
لو كان دمع العين طفح شليله =لو جيت ارده يشبه الشمع ويميع
يغشاه مثل الجم ويطيح حيله = كنه شرب سم الافاعي قراطيع
ما حدني ياكود حبي لجيله = واحب شوف ديارها والمرابيع
تبكي على اهل الطيب واهل الجميلة = اهل الكرم نسل الحرار الطواليع
امست منازلهم خراب امهيله = عقب الونس صارت اخلي بلاقيع
يا دار وين أهل الفعول الجليلة = يوم ان ولد الاش عند الفراريع
رجالهم ما طاع هرج الحليله =ولا هم في رزق الضعيف طماميع
على قصير البيت ماصار عيله = ولا خضعو يوم الشوارب خواضيع
حيات مثل (( )) ويش هي له = لا عد من فزعه ولا من فراريع
وانا اعرف ان الوقت مايستوي له = وان نام نومه يالجماعه تقاطيع
والله جعل للرجل عرق وفصيلة = لاشك جتني فالضماير دوافيع
وابفتخر في لابتي والقبيلة -= يحق لي لاصرت رجل من سبيع
اهل الفعول الوافيات الجزيله = إلي سنام المجد عدو مطاليع
أمجادنا مهيب يوم وليله = ولاتنحسب بشهور ولابسابيع
من شعب جبله عهد ماضي رعيله =نسل لعامر مبعدين المراميع
ويشهد لنا وقت التفق والفتيله = وحد الرهاف الحاسمات القواطيع
نجد سكناه سنين مهيله = بأيمانا غصب ولابه شوافيع
حنا الرجال امحصلين النفيله = وحنا ستر من يلبسن الدراريع
وحنا كما سيل تحدر مسيله = واحنا الرجال امبعدين المخاويع
ريف الضعيف الي عزومه قليلة = لاباح سد اهل الردا والدنانيع
نجود لاشحت كفوف بخيله = ونعف لازادة هروج القراقيع
في حقنا ماصار هزل وهزيله = لاشك دونه مثل صلب المداريع
ولي يدور منعطف وتحويله=ماعندا ياكود سيف وتشنيع
ألاش ما يبرد علينا غليله = واهل الاشاعة خير لو هرجها شيع
خله يريح في البيوت الضليله = ومن القهر تطبع عليه الطوابيع
ماهمنا راعي الردى والرذيله = الي حياته فالبلا والمهازيع
ماينحسد يا كود راعي الفضيلة = والرزق عند الرب وزعه توزيع
في وصط جوفه مثل حر المليلة = يجي بصدرة من قهرها تقاريع
تمت وصلو عد وبل المخيلة = علا الذي للخلق مرسل وشفيع
الشاعر
عبدالعزيز ال حمد
العريني
[/poet]
المقصود جبل خشم الحصان وهو من جبال العارض الشهيرة
والتي تطل على بلدة رغبة ووادي حويلة من الشعاب التي تحد
رغبة من الشمال والجميع مواضع في بلدة رغبة