|
برنامج مشعاب السياحي 1426هـ
كُتب : [ 15 - 04 - 2005 ]
يسر سعادة معالي الوزير سهم وزير السياحة ان يطرح بين يدي فخامة الرئيس مشعاب شعارالبرنامج السياحي لصيف هذا العام نرجو من سعادتكم اعتماكم لها ......
شعارانا (( صيفك طاب مع مشعاااااااااااااااااب )) :021:
واثناء اعدادي سير الرحله هاضت قريحتي بقصيدة مزورة ارجو ان تنال اعجبكم
فيها الفواكة كلها جنب الايدام = حمص وتبولة وبالوسط زيتون 
معهم عزبهم كملولها بالانعام = من طيبهم كل دفع مايقطون
يم القرايا وجهوها للاعمام = اولاد وايل من كرمهم يهلون
يوم الولع في داخي قام واحتام = تكفون ياربعي على الحد ودون
اربع جوازات طبع وسطها اختام = دمشق مرماهم على هيك ينون
مغادرين ديار فالح وسطام = اللي بها عج وغرابيل وشطون
ومناحرين ديار ميساء والهام = اللي بها جو ومزايين وزيون
مع وسط الاردن ماوقفنا للانام = حصيل موترنا صفطناه طبلون
هبوب درعا طيرة بشرة العام = اشوف طرطاره ولا اشوف يوكون
المالكي ياسعد منهو بها قام = في شقة الطيان لليلة يقيمون
فيها الفواكة كلها جنب الايدام = حمص وتبوله وبالوسط زيتون
وعقب العشا دجنا بالارياف والشام = ملعون ياشي رئيناه ملعون
شفنا لنا وضح بها نحف واجسام = فاق الخيال وفاق شي تشوفون
بالطول يشداهن طويلات الاعلام = والعين مدعودجه والاحجاج مقرون
والخصر مقضب كف واردافها اهرام = شيهانة ماضن بعده يهدون
ورد تفتق بالشفايف والابسام = واخدود ماطبه مكاييج ودهون
ياليتهن يمشن على متن لزام = ويهد راعي الطير والناس يرمون
وانا غدي بالشام مربوط بحزام = مقطعن سبقه وانا اهد بعيون
وعقب التمشي ديورة خشة دهام = يم السعوديه تقرر يسيرون
يم الديار اللي بها عز الاسلام = لو انها غبرى لها حب مكنون
مابه بخاشيش وكمسيون وزحام = تمشي بكيفك ماحد قال من هون
|