هذه القصيدة ارسلها لي مضيم القحطاني
هواجيس صدري بالثواني تجي وتروح=وحضي من مرافق هل الطيب وحدني
وتعاتبني ضنوني عتابٍ بلا مصلوح=وتوسدت حضي من شقاي وتوسدني
ومن قو عزمي كن صدق العلوم مزوح=ولو إن ظروفي من زماني تعقدني
وللضيف افز وخاطري دايماً مشروح=وشكر على العزام لاجاء يسندني
وحاول على عز النبا والجروح جروح=وجامل رفيقي كل ماقام ينشدني
لكن آتشالى لاسمعت الحمام ينوح=من الهم يبعدني نياحه ويسعدني
ليا ناح في ظلٍّ وتحته وفوقه صوح=على جر طاروق الطويلة يوردني
وشعاني كما يشعى البدو بارقٍ يلوح=ومن اجواء التحسف والتعقد يبعدني
الا أيابن واسم قبل ماتوب وين آروح=شبابي مطرف والليالي تهددني
احب الهوى وأهل الهوى وقتهم مجروح=وأظني انك من ماقد جرى لك بتيدني
وعسى الله يقوم حضي العاثر المسدوح=واصيطر على ظروفٍ هدفها يهددني
وفود الشقاء دايم علي دربها مفتوح=تودّع وتوعد وبوعدها توعّدني
ولاجات السعادة يعترض دربها ساموح=وهمي ليا قفّيت منه ايتبرجدني
زماناًجعل حض الأجاويد في لحلوح=على اللي بقا لي منّه الله يساعدني
وطرالي مضيم وقلت ابشكي على الممدوح=هموماً كدرها من حلى النوم يقعدني
وباعلمه عن سبّة الخافق المجروح=وسبقني وجاني بالشكاية وزودني
شكالي شقاء وقته وفرقاء لطيف الروح=يبي منيّ النجدة وأنا ابغيه ينجدني
وغداء كن في حِجَّر عيون الشقي ذرنوح=من الضحك والراحة مع الناس يطردني
وحن مؤمنين بماكتب لي ولـه فاللوح=ولاشك راود لـه ولاشك راودني
ومدام استوينا ابغيه يسمح وهو مسموح=كلاماً على وضح النقاء ماينقدني
ويصبر كما اصبر نوح واصبر كما اصبر نوح=مشورة ولاعيا يجيني وياجدني