[ابن مشعب]

قصيدة لشاعر/ سعيد بن مقبل المنيعي الاكلبي

ألايالله عـــفـــوك مــامــعــي بـيـجــرولاجــوال=ولاعـنــدي وظـيـفـه والـتـجـاره فـاشــلٍ فـيـهـا
ولاعـنــدي شـهــاداتٍ ولاحــرفــه تـسـدالـحـال=ولاحــــظٍ كـبـيــرٍ لاخــطــت الــجــره يـقـديـهـا
مخابي الثـوب تومـي مادخلهـا مـن زمـان ريـال=بهـافـاتـورة الـكـهــرب ولايـمـديـنـي أقـضـيـهـا
على ذيـك العـراوي تتعـب الحـادي مـع الجمّـال=ثـــلاث شهورفـالـورشـه وشـهـريـنٍ مغـطـيـهـا
أبيـهـا لوتجـمـل يــوم واجلبـهـا عـلــى الـــدلال=يجيـهـا واحــدٍ حـظـه مـثــل حـظــي ويشـؤيـهـا
تنصّـيـت الوظيـفـه يــوم قـالـوا للنـظـام رجــال=وقـدمـت الـمـلـف وصـــورةٍ متـشـخـصٍ فـيـهـا
خــذا الأوراق مـنّــي واحـــدٍ ياجـعـلـه الـســلال=سلـوم النـاس واهـل المعرفـه والطيـب مخطيهـا
قراهـافـي دقيـقـه والتـفـت عـجّـل عـلـي وقـــال=شهادتـك العظيـمـه يـاولـد ويــن انــت مخفيـهـا
هززت الراس ماعنـدي تقـول إنّـي مـن البنقـال=وقـمـت احــب خشـمـه واطـلـبـه بالله تمشـيـهـا
حذفهـا مـن يـده شيـن الطبـايـع والنـبـا والـفـال=وقــال أزيــن تـعـوّد صــوب نوقـاتـك تعشّـيـهـا
تناوشتـه مـن الكرسـي وعفـت الحـل والترحـال=وضربـتـه بالبيـالـه عـقـب مابـيّـحـت شاهـيـهـا
خـذونـي للـسـجـن لانـيــب لاظـالــم ولامـحـتـال=مـجـرد واحــدٍ جـــا يـكـحـل عـيـونـه ويعمـيـهـا
ويوم إني خرجت اقفيت لارض الله وسيع الجال=عـلــى بـــرٍ هـــواه يـــداوي الـعـلـه ويبـريـهـا
بـــلاكــــهــــرب ولابـيــجــرولاغــازٍولانــقــال=قوانـيـن الحـضـاره لاتـبــي شـوفــي ولاابـيـهـا