ودي همومي تنّسي وأتناساك=لقيت نسيانك من أكبر همومي
فيض المشاعر نبعها من حلاياك=ومن الغلا وضّحت صافي سلومي
أنت الحلى من طيب أصلك وشرواك=ومن الحلى بيّنت خافي علومي
حلو المعاني ما خذه من سجاياك=أعطي دهر وألقى الجفا منك دومي
تقوى الجفا والهجر من فعل يمناك=ترى الفرح لي شفت أنا نور يومي
يا ما نهيت القلب وأرجيه يسلاك=لكن غرام الشوق أضعف عزومي
الله يعوضني بغيرك ويبلاك=وأشوف فيك الضيم ويخف لومي