مرثية في المرحوم مقعد محمد العويزب الصندلي وأبنه سلطان رحمة الله عليهم
وهي للشاعربداح عبد الله القريشي
في الأربعاء خامس رجب راح غالي = والعلم ألأقشر فيه جاني مسيان
وحنَّا تحت دبرة عزيز الجلالي = الله يثبّتنا بصبرٍ وسلوان
مرحوم يامقعد كريم السبالي = يبكي على فرقاك شيبٍ وشبّان
أمصيـبة السبعان كبر الجبالي = رَحلت يامقعد وخاواك سلطان
وحزّن بعيد الدار قبل الموالي = عليك ياراعى الوفاء ذرب الأيمان
كاسب جزيل المدح في كل حالي = طيبك على ربع ورفاقة وجيران
يالله ياللي في سماك أمتعالي = وانت الذي سميت نفسك برحمن
تجعل لمقعد تحت عرشك ظلالي = وتفتح على قبره من الخلد بيبان
وعسى عزانا والبقاء فالعيالي = بوجيههم للمجد والطيب عنوان
وصلاة ربي عد وبل الخيالي = على النبي المصطفى نسل عدنان