انا البارح بعد ليلي سرا وامضى منـه ثلثيـن=طلبت الله يحقق مبتغى مـن طالـت همومـه
على هذا المكان اللي كما نوره نجـي باديـن=أنول أعلى شرف وأبدي ونار الشوق مشعومـه
وتحـرك للمحبـة والـولا بقلوبنـا عرقيـن=تعبرها الحروف اللي من الأشـواق منظومـه
نجدد من ولانـا بيعـة الإخـلاص للركنيـن=لبو متعب وابو خالد منـار المجـد ونجومـه
نبايعهم على الدين الحنيف وعاشـوا الأخويـن=سلالة من بنى الصرح العظيم ثبـت رسومـه
ولو الشعر يوفي حق أبو فيصـل كتبنـا ليـن=نوفي حق من مجّد بـلاده واتعـب خصومـه
ولكن يرحـم الله مـن تفانـا للبـلاد سنيـن=عسى روحه ما هي من رحمة المعبود محرومه
سلام الله سلام له مكان ولـه زمـان وحيـن=سلام ودام راس اللـي يعـز الحفـل بقدومـه
سلامٍ عـارفٍ منصـاه غالـي قـدر للغاليـن=بعد نور الفرح شعـش علينـا وابتـدا يومـه
منصا من صدق ذات وعلى الأقصين والأدنين=أزف اسمى تعابيرٍ عـن التقصيـر محشومـه
بعد هجرس بها الصدر الوسيع ومرحبا وأهلين=عدد وبل الغشين اللي يهـل وتسبـح اغيومـه
هجوسي ما يهيضها حمام الورق لـو أيزيـن=بصوتٍ شاديٍ لحنـه وصافـي جـوٍ يحومـه
يهيضني وقوفي وامتثـال العـز بيـن أيديـن=مليكٍ ما تغيـر فـي نهـار الشـدة عزومـه
حبيب الشعب أبو متعب لاجت وحده من الثنتين=طناخة راسه الراسي تخل الـروس ملخومـه
أبو متعب ذر اللي يشكي الظلم ويشوف البيـن=مليكٍ مـا تعـداه المواقـف غيـر محسومـه
أبو متعب لاجا اليوم العبوس القمطرير الشيـن=نشوف العز بحجاجـه يلـوح وللسعـد قومـه
أبو متعب عما عين الحريب ومزبن اللاجيـن=صليب الرأي يا شر النفوس اللي بهـا زومـه
ملكنا اللي لعدوانه يكيـل الصـاع بالصاعيـن=سنام المجـد عـداه ابدهـاه وحقـق أحلومـه
يمكن كل مظلـومٍ شكـا لـه مظلمـة تمكيـن=ويضفي به كما يضفى على العريـان بهدومـه
وأبو خالد بجنبك تاجده فـي عسـر ولا ليـن=أمدله كل نفس من صدوف الوقـت مضيومـه
أبو خالد تدون له مواقيـف الشـرف تدويـن=ومشاعرنا تدافع لـه وفـا ماهيـب مرغومـه
ولي العهد عدٍ مورده يقطع ضمـا المضميـن=وسورٍ للوطن حصنٍ عيون أعـداه ملطومـه
إلهي نطلبك عونك ولا غيـرك ولـي ومعّيـن=تعـز المسلميـن ودولـةٍ بالشـرع محكومـة
وتكفينا من شرور الضلال ومن غلـو الديـن=ليا بُليت جهاهيـل العـرب بفكـار مسمومـه
بعد دارت رحى الدنيا وشفنـا فعلهـا بالعيـن=دفعنـا ارواحنـا للمـوت والأقـدار محتومـه
لجل أمن البلاد اللـي حكمهـا خـادم البيتيـن=ولا زال الوطن شامخ ينـال المجـد ويرومـه
على أرضه كم طوا البيدا قدم حافي وخف وقين=مناعير مزاهبهـا علـى العيـرات محزومـه
نعم كنـا ولازلنـا ومـن زل تهـاون هيـن=وحنا شعب ما اختلفـت تقاليـده ولا سلومـه
على شبه الجزيرة والعروبة بالـذرا مضفيـن=نزّبن من نضانا والحريـب انضّيـع علومـه
وهل التوحيد حنا كالجبال الشامخـة راسيـن=حقوق الرجل فينا وافيه مـا هيـب مهضومـه
نحكم الرأي لا منه غدا رأي العـرب راييـن=نخوض البر زحفٍ لو محيط الأطلس نعومـه
تجندنا لجل عز الوطـن يـا بنـت لا تبكيـن=من عدانا يرّبع كـل ذيـب وياجـد اطعومـه
جنود فالقسا نسمى سما مثل السمـاء ساميـن=يسمى باسمنا الاسـم وأسامينـا لهـا هومـه
رجالٍ حلمنـا دايـم وسيـع وفاللقـا صلفيـن=عوايدنا الشمـوخ ونعتلـي والغالـي انسومـه
لنا روسٍ يسكرها الغضب والكايـدات اتليـن=وينعشنا هوى نجـد العـذي ولفحـة اسمومـه
تربعنـا علـى دارٍ موانيهـا علـى شطـيـن=بـلادٍ مـا خذيناهـا بوزعـة ورث مقسومـه
وطن ما هو عقيم وينجب ملـوكٍ تفـك الديـن=فعايلهـا نعاينهـا علـى الواقـع ومعلـومـه
مواقفنا مواقف صاملة ما هيـب بيـن وبيـن=مواقـف مـا يحرفهـا هبيـلٍ مـد حلقومـه
على فكر الضياع ومن عطو مع ساقته مخطين=وجميع أيامكم يـا عالـم التضليـل مشئومـه
ألا ياللي سريت ابمحملك يوم العرب ممسيـن=سريت ابليلـةٍ ظلمـا بهـا الأنـوار معدومـه
وقردك الله وصادمت الجبل يا الوعل أبو قرنين=توسدت الوطـا وقرونـك الثنتيـن مصرومـه
ألا يا المحمل التايه بسم رب الخلايـق ويـن=سألتك وين متوجـه تـرا وجهتـك منجومـه
فجعت الطفله اللي هلت الدمعه علـى الخديـن=تخايل دم أبوها طفلةٍ فـي حضـن مضمومـه
نواياكم عرفناهـا وقلنـا يـا بشـر غاديـن=وتماديتو وطحتوا طيحةٍ مـا هيـب مرحومـه
دخلتو بين لحيان الجمل ثـم أطبـق اللحييـن=ولا زال الجمـل لمقـرد العربـان لا هومـه
نعرفك محمل الفكر الدخيل وزمـرة الباغيـن=وجراثيم البشر عنا تمـوت بمـوت جرثومـه
ولا يدرك عواقيب الأمـور ألا ذكـي وذهيـن=ويجهلها الغبي اللي بعدمـا فـاق مـن نومـه
يدور الوقت باحداث الزمن والخافيـات اتبيـن=وطبع النفس عن فعل الخطا ما هيب معصومه
ولكن التمادي ما له ألا السيـف أبـو حديـن=وحربة حق في فج النحر والصـدر ملحومـه
لا سار الجيل مع نهج صحيح أصبح كما هاتين=ونقـراه بعبـارة واضحـة معنـى ومفهومـه
يغيّر في معانيهـا السكـون وهمـزة التنويـن=وتصير حروف مسكونة محل حروف مدغومه
وبلادي ما حميناها بسورٍ مثل سـور الصيـن=بلادي سوره إرجالٍ بصدق إيمـان مدعومـه
مداغيش العيال اللي فتوق اطعونهـا شبريـن=مداغيشٍ بحب الدار وأهـل الـدار مغرومـه
إلهي نطلبك عونك ولا غيـرك ولـي ومعيـن=تعـز المسلميـن ودولـةٍ بالشـرع محكومـه
thawab1398@hotmail.com