[عطيب الظرايب]

هذه القصيده وجدتها في احد المواقع واحببت ان انقلها لك ولاعضاء المنتدي عسي ان تنال اعجابكم

يا مل قلـب (ن) خطـوط الشـاص تلنـه
اليا شفتها قمت أنا أبدعهـا بالألحانـي
أبــدع بيـوتـن تـوصـف حسـنـه وفـنــه
مصيوغة (ن) لأجل بيبانـه والأركانـي
اليا صار مخش (ن) يزيد الهم بالونـه
أحـس مخشـه علـى كبـدي ومصرانـي
دم الظبـي لـون خطـه احمـر (ن) كنـه
سيل (ن) تحدر علـى الوديـان بركانـي
ولونه كما النفـد قاسـي الريـح يسفنـه
يمشـي مـع الظلـع والقيعـان مـا بانـي
بأيـت طريـق (ن) تقضـب فيـه لـو انـه
ربـاضـة (ن) كـايـده او كــان حيفـانـي
حـيـث الـوعـر والمـراقـي مــا يـردنـه
ليـا صـار الأول مـع الاسبـيـر مليـانـي
اضـرب جلـد فـي الفيافـي بالـك تحـنـه
متعـود (ن) قطعهـا لـو كـان مـا كانـي
ومعي رفيق (ن) سنافي ضاحـك سنـه
اليا خـذت شـوره علـى الشـده تعدانـي
وعزبه وبنـدق علـى الصيـدات يرمنـه
وفـرخ الوحـش علـى شبتـه شيهـانـي
اختم قصيد (ن) خوافي القلب صاغنـه
وارجوا السموحة إذا قصرت بأوزاني
بصـلاة ربـي عـلـى محـمـد لــه المـنـه
اللـي شـرع حـفـظ ديــن الله ببرهـانـي