[صقر الخرمة]

فكري إلي مع هجوس القلب شارد= وأستضاف الها بتكريم وحفاوه
قيد الحر البتوع بوقفة أرد= مير أنا مدري ذكاء واللا غباوه
رغبتي كوكب زحل واللا عطارد= ودي أسكن جوهن لو فيه ناوه
جنةٍ من دونها شيطان مارد= مايبا المسلم يذوق ألها حلاوه
ودي اسمع وسطها صوت الزغارد= وأتهنا دام للدنيا طراوه
من تعزواء دونها ماهوب طارد= وش على السرحان من نبح الجراوه
لأن أنا ماهمني حسد النمارد= ماخذٍ حسو الصداقه والعداوه
يامحمد دام شوف العين جارد= خاو بالله صاحبك فالدرب خاوه
قدمنا صافي صعيبات الموارد= وأنت يارجل الوفاء قدوة قداوه
لاتطيع إلي على خطٍ محارد= ما يخذل الطيبين اللا السباوه
لأن مادون المعالي رزبارد= الجمل ياطا على رؤس الشظاوه
مادفعني كود حبك للشوارد= ماتخير فالبيوت اللا النقاوه