يا الله يا المعبـود يـا مدبـر الكـون = يا اللي خلقت الأرض هي والجبالـي
يا واحـد مـالـه شبيـه ولا لـون = يا ربنـا يا اللي عليـك اتكـالــي
يا مصرف الدنيا على الكاف والنـون = يا عالم بمـا في حيـاتي جـرالـي
انته رجائـي وملتجايـه ولي عـون = يا الله أنا طالبـك تلطـف بحـالـي
اشكي عليك اللي عن الخلق مدفـون = في وسط قلبي لـه سنين طـوالـي
أنـا حياتي كلهـا صـارت احـزون =من مرهـا شربت ما ذقـت حـالـي
من المصائب والبهاذيـل مغـبـون = وزادت همومي بالمرض في عيالـي
عند الأطبـاء أكثـر أيـام يبـكـون = من المرض كـم أسهروني ليـالـي
وزاد الفقر همي وأنا أصبحت مديـون = وخسرت أنا اللي املكه من حـلالـي
وأصبحت للأنـذال بالدين مـرهـون = وكلٍ علي لسـانـه اليـوم طـالـي
وأصحاب كانوا للصداقـات يسعـون =وقت الرخـاء دائم جلـوس قبـالـي
فـي شـدتي اليوم عنـي يصـدون = عند حاجتي ما أحـد تعنى وجـالـي
وسط المجالس عند الأبواب مركـون = ولا أحدٍ لهـرجي يستمع أو يبـالـي
ولا من دخـل راعي تجـاره يهلـون = وقاموا احترام له وصبـوا الـدلالـي
لو هو ردي وخبل والنـاس يـدرون = هو عندهم بالمـال سيـد الرجـالـي
ودنياي قشراء وكثرت فيـه طعـون = وكثروا علي إعـداي من قـل مالـي
من بعد عزي صائر اليـوم في هـون = والحـظ عاكس ما يبي الأعتـدالـي
صح لساااااااانك يا ابو نواف
قصيده موثره جدا
والله يكون في عونك يا ابو نواف
اخوك ابو عبدالله
التوقيع :