اليكم هذه القصيده الرائعه للشاعر الاديب فلاح بن ضاوي الحنان واترك لكم التعليق
اليهوديه
يابنت لا صاروا هلك مايصلون = أي الرسل والانبيا تتبعينه
اناشدك با اله موسى و هارون = لاتتبعين الا محمد ودينه
امشي معي خلي الكنيسه لشارون = لاتبتلين بمذهب تكرهينه
خلي طواغيت الضلاله يولون = اهل الطقوس البايدات الوثينه
اما نصارى عن هداهم يضلون = ولا يهود ربهم مغضبينه
تذكري يوم اغرق الله فرعون = واضفى عليك انتي واهلك السكينه
لله فرط ما يحزنون و يخافون = وانتي عطاك الله صوره حسينه
هذا الجمال اليوسفي ليش محزون = والله ما ودي اشوفك حزينه
وهذا الصليب اللي عليك اصفر اللون = ماهوب مصدر فخرلاتلبسينه
لا رب غير الله يا بنت قريون = يهديك للتوحيد و توحدينه