[جزل العطايا]

	أدري بكٌثر بالحكي ياحظ لكٌن أستريح = ودي أفضفض عن جروحٍ مالقيتلها دواء سود الليالي عاندتني والعطا فيها شحيح = ولا الوعد ماهو صحيح أنه يداوي ماكوئ يالعنبوها كل مامالت علي راسي اصيح = قلت أعتدل ياحظ رد وقاللي لاء ولوئ الصٌبر ياهل الصبر درب الفرج هذا صحيح = ياما صبرنا والصبر في خاطري ماقد روئ ياما تعاندني ظروفي بين موج وبين ريح = ترى الوجع في داخل ضلوعي تعانق والتوئ فى أخر حياتي قد لقيت أن السعاده بالضريح = ولكن الأيمان بالله في حياتي أحتوئ كان الحظوظ المايله قدري وأنا طبعي سميح = المتى قدري كذا والضيم في جوفي ضوئ يارب تفرجها علي منهو غدى قلبه جريح = أفرج علي قلبٍ تلاشت من ملامحه القوئ وأفرج علي عينٍ غزيرٍ دمعها بالخد سيح = وأفرج لروحٍ قد طواها الضيم من عمري طوئ يالله ياللي رازقٍ مريم بسيدنا المسيح = الطف على عبدٍ حظوظه مايله يبغى الدواء