[جزل العطايا]

	يا سلامي على ماضين الافعالي= عد ماهل وامطر من سحايبهـا يا رجال توطي كل من عالـي= نـدر فالهـدد تدمـي مخالبهـا لابتي من علا ماضين الاجيالي= يكسب المدح حاضرها وغايبهـا احتموا دارهم من كـل نزالـي= ومن سباع الخلا عفو جوانبهـا محتزين الضفر سلات وارجالي= دون حد الوطن الارواح نجلبها عقب اللي يقول أن روحه الغالي= ما حضر عند ربعه في نوايبهـا ما تنومس مع الشجعان الابطالي= يوم بيع النفوس يسوق واجبهـا في نهار بروقه تشعـل اشعالـي = نرخص الروح ما ندرا عواقبهـا خبروا يالنشاما ضبي الاسهالـي= لا تبي اللاش لو هو من قرايبها لا تهاوي ردي الجـد والخالي =قاصر الشبر لو بالزين يعجبهـا