منتديات سبيع الغلباء - عرض مشاركة واحدة - لا اقبلت شيخ يحب الشعب ويبــره//ولا ادبرت برق لمع في طارف اليمه

أبونواف{الثوري} · غير متصل

ياحر يا اللى على المشراف لك جره = تعـاف نــزل الوطـا وتعانـــق القمـــة
تموج حد السماء والارض مخضـره = يدلــه معــاك الحزيــن وينجلي همـــه
جــزم عــزوم تريــح الـبـال وتســـره = فـي هدتـــك تنثـر الخفـــاق وتلمـــــه
قلـب الهـواوي معـاك يغــادر امقـره = لا شـاف جولك دعــاك ولوح بكـمـــه
لا اقبلت شيخ يحـب الشعــب ويبــره = ولا ادبرت برق لمع في طارف اليمه
ولا فعــت من ماكرك ثم خذت لك فره = يزمــك الوجــد للصمــان وتزمــــــه
الديـــره اللى بوبـل الغيـــث مسمــره = ريحـه نفلهــا يتــل القلـب ويخمــــه
داري ولا جاء لهــا النسيــان لو ذره = لهــا سـلام جميـل وافيــن كمــــــــه
يا طيــر روحـي مـع راعيــك منجــره = هـاك السنافي كريم الاصل والذمــه
اهيــم لـــو ينذكـــر طـاريــــه مغـتــره = ويفـز قلبي على طـاري بنـى عمـــه
يا طيـر قلـه يشــوف الحـال لو مـــره = راعيك ما هــو بيمي ميـر أنـا يمــه
الجمــر يصلي بصـدر ضاق من حــره = والعاشـق اللى يــوده فايــر دمـــه
لبسـت ثــوب الغــرام وقلــت لــه زره = ويمـد كفــه ولكن ما نطــق فمــــه
يا ذا النـــداوي ابـيـه بخـيــر وشـــره = سمـه اهبــال وجنون زايـد سمــــه
الحـر هــو غايـة تسعــي لــه الحـــره = والنايفـه تعشـق النايـف وتهتمــه

.