[محمد بن سلطان]

صح لاسنك اخوي بونواف ..

انا مريت على الموضوع ولكني ما بغيت ارد على الموضوع وفضلت تجاهل الموضوع لانه يسبب حساسيه بين ابناء العم ..

الخرمه ورنيه ورماح وغيرها من ديار سبيع كلها لسبيع .. ولكن يختلف عدد سكانها من فرع لآاخر من سبيع .. ولكن عموما ان الخرمه ورنيه هي ديرة السبعان كل ابوهم .. ارضنا هي ارض عيال عمنا ..

والخرمه ورنيه هي اراضي بني عامر بن صعصعه من ايام الجاهليه .. وكلهم ذادوا عنها ووقفوا ضد الطامعين فيها .. وابيك تعرف ان سبيع ربما تكون القبيله الوحيده اللي بقت في ديرة جدانها الخرمه ولم تستطع اي قبيلة اخراجها منها ..

دارن لنا نفسها ديرة بني عَمنا /// كلنا سكناها وكِلنَا انْحَمِيهـــــــا

هذا البيت كتبته وفي الخلاصه ..
ان الدار اللي حنا ساكنينها هي ديرتنا وديرة بني عمنا جميع ..

واتمنى منك اخوي ابن سلامه انك تشوف المواضيع اللي تجمع شمل القبيله ما تفرقهم .. وشوف المواضيع اللي تهمنا حاليا .. ونترك هالمواضيع الي ما وراها غير المشاكل ..

((ان اخطات فمن نفسي وان اصبت فمن الله ))
والله اعلم ..

اخوكم
محمد بن سلطان الثوري